تحذير.. لحوم مجمدة خطيرة جدًا.. سيدة تحكي تجربتها

اشتعل موقع التواصل الاجتماعي فيس بوك بعد تداول منشور سيدة على نطاق واسع تشكو من اللحوم البرازيلية المجمدة، رافعة شعار تنبيه هام جدًا، سترك يا رب، وهو ما تداوله آلاف من رواد السوشيال ميديا ما جعله ينتشر كالنار في الهشيم.

لحوم مجمدة خطيرة جدًا.. سيدة تحكي تجربتها

وجاء نص المنشور كما يلي:-

«من ٥ أيام اشتريت لحمة برازيلي مجمدة ودى مش أول مرة اشتريها، مبحبش أجيب المفروم الجاهز فبشترى برازيلي وأفرمها في البيت، طلعتها من الفريزر تفك من التلج وأول ما فتحت الطبق لقيت اللحمة فيها حويصلات درن، اتجننت وبقيت اصرخ واعيط لأنى من ٧ سنين أكلت لحمة مصابة واتنقلتلى عدوى الدرن، اتعالجت منها بعد عمليات استئصال غدد وكورسات علاج استمرت أكتر من ٣ سنين، فالتجربة كانت صعبة أوى أوى».

وتابعت: «أول ما شوفت منظر اللحمة عرفتها وكلمت خدمة عملاء خير زمان اللى مترددوش لحظة انهم يقولولى رجعى اللحمة للفرع، رجعت للفرع وفعلًا رجعوها وقالولي شوفي لو عايزة تاخدي فلوسك أو تشتري منتجات، واللحمة دي هتتحول للمعمل فورًا وبالفعل كلموا الادارة وأنا واقفة، ياريت تعرفوا شكل اللحوم المصابة بالمرض ده لأنه معدى وخطير، وأى حد يلمس لحوم بالمنظر ده يعقم ايديه فورًا وبلاش استهانة بيها أرجوكم».

واختتمت: «للأسف هتلاقي ناس كتير جدًا اشتروا وماخدوش بالهم غير طبعًا محلات السندوتشات اللي بتشتري وبتفرم ونص مصر بتآكل منهم حسبي الله ونعم الوكيل في كل تاجر ظالم».