أول تعليق من رجب بحة على اتهام مرتضى منصور له بممارسة السحر

تطورات متلاحقة حدثت في قرية منية الحيط التابعة لمركز إطسا بمحافظة الفيوم، بعد انتشار فيديو جرى بثه عبر قناة الزمالك يظهر فيه رئيس النادي السابق مرتضى منصور يتهم عامل بناء بـ"عمل سحر" للنادي في مباراة الأهلي الماضية.

وكان النادي الأهلي فاز على الزمالك ليلة الخميس الماضي بأربعة أهداف مقابل هدف وحيد، في إطار منافسات الدوري العام، واتهم مرتضى منصور الأهلي باللجوء إلى السحر والشعوذة لتحقيق الفوز على الزمالك، متهما شخصا يدعى «رجب بحة» بالتسبب في خسارة الأبيض باستخدام «السحر»، كما نشر صورة لذلك الشخص.

وقرر صاحب الصورة التي نشرها «منصور» ويدعى رجب بحة الرد على تصريحات رئيس الزمالك المعزول، مؤكدا أن مرتضى أساء إلى سمعته وسمعة أسرته، وقال: "حرام عليك لما تشوه سمعتي بالطريقة دي".

وأضاف في فيديو على مواقع التواصل الاجتماعي: "أقسم بالله حرام الاتهام ده، أنا راجل حافظ كتاب الله والسحر شرك بالله، وأنا راجل لدي أولاد وبنات في سن الزواج، أنا لا أعرف سحر ولا أعرف أعمل الحاجات دي، ليه الاتهام بالباطل ودخول أزمة لا علاقة لي بها على الإطلاق؟!".

ووصف الحاج بحة -كما يناديه جيرانه- حياته بالبسيطة للغاية، موجها حديثه لمرتضى منصور قائلا: "لو تيجي حضرتك تتفرج على المعيشة اللي إحنا عايشينها، أو البيت اللي أنا عايش فيه، مش هترضاه أنت نفسك".

وردا على اتهامه بالسحر، قال: "قسما بالله العظيم أنا ولا بعرف أعمل حاجة من الحاجات دي. واللي بيعمل الحاجة دي أصلا بيبقى راجل مشرك بالله. والإشراك بالله ده بيبقى لناس ربنا نزع من قلوبهم الرحمة"، كما دافع عن الحاج بحة جاره قائلا: "ده راجل معاه عيال ومعاه بنات ومعاه أسرة، إزاي كده.. ده جيرانه بينادوه الحج رجب وبيأم المصلين في المسجد".

وكان مرتضى منصور خرج في تصريحاته قائلا: "أنا مش هقول منشطات، بس في حاجة مش طبيعية. في واحد بعتلي رسالة لصورة الساحر اسمه رجب بحة، وطلع من الفيوم، بلد سيد عبدالحفيظ، ياريت حد من الفيوم يطلع يقولي مفيش حد بالاسم ده".

وواصل: "أنا كنت بلاعب الجن الأزرق، لكن الجن الأحمر مقدرش، برافو عليك يا سيد عبدالحفيظ، عمرو السيسي اتصاب بعد ما نزل ومسكنا الماتش، عشان الجن اشتغل".