حكاية صفاء وزواجها من الراحل الشيخ صالح وبنت أختها أروى
تداول مستخدموا التواصل الاجتماعي قصة حول زواج وتعارف الفنانة صفاء أبو السعود من رجل الأعمال السعودي الشيخ صالح الكامل، الذي توفي مساء اليوم.. وكانت القصة كالتالي:
"صفاء ووسام
في المنصورة، كان في ظابط شرطة اسمه عبد المنعم أبو السعود، عبدالمنعم دا خلف بنتين تؤام بنت اسمها صفاء وبنت اسمها وسام، طيب ليه سموهم كدا.
قالك ابوها جاله وسام ترقية، فقرر يسمي المولود اللي هيجيله وسام، ساعتها الدكتور سحب وسام، وصفاء معصلجة مش راضية تنزل، وكان معاه ميعاد مع خطيبته صفاء، فقال لابوها انا هسمي البنت دي صفاء على اسم خطيبتي، وهتبقي حركة تنسي خطيبتي تأخيري عليها، ووافق ابوها، وبقت صفاء أبو السعود.
وسام كانت هتموت وتمثل وكانت مقضياها برامج وتلفزيون ومش مخلية حاجة مبتعملهاش عشان تمثل، صفاء كانت بتروح مع اختها عشان متقعدش لوحدها لكن لا عايزة تمثل ولا تغني ، وهي 7 سنين شافوا صفاء وقالولها تعالي يا حبيبتي، تعرفي تغني تعرفي تقولي مش عارف ايه.. عجبتهم خدوها في برنامج بابا شارو.. اشهر برنامج اطفال في مصر.
بعدها دخلت معهد الكونسرفاتوار، وخدت الدبلوم بعد شهور من نكسة يونيو.. ابوها في الوقت دا بقي وكيل وزير الداخلية، ووسام اتجوزت وسافرت وبطلت تمثيل وغنا وكل حاجة.
صفاء ابو السعود بالنسبالي يعني أغنية "أهلا بالعيد"، أهلا بالعيد اللي الناس كلها كانت بتسمعها سعد نبيهة وكنت بسمعها سعدنا بيها عادي، بس الاغنية دي مرتبطة عندي انها بتشتغل يوم العيد ويبقى عندنا ترمس فبقيت كل ما اشوف مدام صفاء اشم ريحة ترمس.
المهم يا سيدي ولا سيدك الا انا، الدنيا كلها صحيت ع خبر سرقة بيت صفاء ابو السعود، طيب ما عادي ما كل الفنانين تقريبا اتسرقوا، قالك شوف بس ايه اللي اتسرق "219 قطعة مجوهرات بقيمة 25 مليون جنيه" واللي سرقتها الخدامة بتاعتها، الرقم دا فلكي وقتها، ايه اللي 219 قطعة دا.. جابتهم منين.. النيابة بدل ما بتحقق معاها عشان تعرف مين اللي سرق بقوا يسالوها جبتي الحاجات دي منين، ساعتها صفاء قالت انها متجوزة الشيخ صالح كامل صاحب قنوات اي ار تي.
صفاء تقريبا بطلت فن وعملت برامج مع المخرج العبقري صديقي عمر زهران، بشوفها نقلة في البرامج الفنية في الوطن العربي، المهم يا سيدي، صفاء خلفت بنت اسمها أصيل، طبعا مش هتمثل .
وسام بقي اللي كان نفسها تمثل اتجوزت وعاشت في السعودية، خلفت بنت اسمها اروى، اروي جودة".
⇧
"صفاء ووسام
في المنصورة، كان في ظابط شرطة اسمه عبد المنعم أبو السعود، عبدالمنعم دا خلف بنتين تؤام بنت اسمها صفاء وبنت اسمها وسام، طيب ليه سموهم كدا.
قالك ابوها جاله وسام ترقية، فقرر يسمي المولود اللي هيجيله وسام، ساعتها الدكتور سحب وسام، وصفاء معصلجة مش راضية تنزل، وكان معاه ميعاد مع خطيبته صفاء، فقال لابوها انا هسمي البنت دي صفاء على اسم خطيبتي، وهتبقي حركة تنسي خطيبتي تأخيري عليها، ووافق ابوها، وبقت صفاء أبو السعود.
وسام كانت هتموت وتمثل وكانت مقضياها برامج وتلفزيون ومش مخلية حاجة مبتعملهاش عشان تمثل، صفاء كانت بتروح مع اختها عشان متقعدش لوحدها لكن لا عايزة تمثل ولا تغني ، وهي 7 سنين شافوا صفاء وقالولها تعالي يا حبيبتي، تعرفي تغني تعرفي تقولي مش عارف ايه.. عجبتهم خدوها في برنامج بابا شارو.. اشهر برنامج اطفال في مصر.
بعدها دخلت معهد الكونسرفاتوار، وخدت الدبلوم بعد شهور من نكسة يونيو.. ابوها في الوقت دا بقي وكيل وزير الداخلية، ووسام اتجوزت وسافرت وبطلت تمثيل وغنا وكل حاجة.
صفاء ابو السعود بالنسبالي يعني أغنية "أهلا بالعيد"، أهلا بالعيد اللي الناس كلها كانت بتسمعها سعد نبيهة وكنت بسمعها سعدنا بيها عادي، بس الاغنية دي مرتبطة عندي انها بتشتغل يوم العيد ويبقى عندنا ترمس فبقيت كل ما اشوف مدام صفاء اشم ريحة ترمس.
المهم يا سيدي ولا سيدك الا انا، الدنيا كلها صحيت ع خبر سرقة بيت صفاء ابو السعود، طيب ما عادي ما كل الفنانين تقريبا اتسرقوا، قالك شوف بس ايه اللي اتسرق "219 قطعة مجوهرات بقيمة 25 مليون جنيه" واللي سرقتها الخدامة بتاعتها، الرقم دا فلكي وقتها، ايه اللي 219 قطعة دا.. جابتهم منين.. النيابة بدل ما بتحقق معاها عشان تعرف مين اللي سرق بقوا يسالوها جبتي الحاجات دي منين، ساعتها صفاء قالت انها متجوزة الشيخ صالح كامل صاحب قنوات اي ار تي.
صفاء تقريبا بطلت فن وعملت برامج مع المخرج العبقري صديقي عمر زهران، بشوفها نقلة في البرامج الفنية في الوطن العربي، المهم يا سيدي، صفاء خلفت بنت اسمها أصيل، طبعا مش هتمثل .
وسام بقي اللي كان نفسها تمثل اتجوزت وعاشت في السعودية، خلفت بنت اسمها اروى، اروي جودة".
