فريدة سيف النصر تعلن إصابتها بورم .. وتطلب الدعاء
أعلنت الفنانة فريدة سيف النصر، إصابتها بمرض غريب للمرة الرابعة، يؤدي إلى تورم وجهها دون سابق إنذار.
ونشرت "سيف النصر"، عبر صفحتها الشخصية بموقع التواصل الاجتماعي فيس بوك، منشورًا قالت فيه: "ممكن تدعولي من قلبكم.. بجد أول مرة أبكي زي الأطفال، أنا أصلًا بتحمل، لكن مش قادرة.. ده مش مكياج ده، وشي بدون سابق إنذار صحيت أصوت في نص الليل ودي رابع مرة يحصلي حاجة غريبة في وشي وأكون باشتغل".
وأضافت: "يعني مش وقته أستغفر الله أحسن من غيرنا سامحني والنبي اللهم لا أعتراض.. عاملة زي الكورة الكفر عينيه مقفولة وبوءي مدلدل حتى حواجبي وارمة هههههه.. يخرب بيت كده أنا اديتكم نص الوش علشان حقيقي مش أنا.. رعب والله تغيير سريع سبحان الله والحمد لله مش هزار تحت أسنان سليمة 4 خراريج إزاي مش عارفين، عملنا بانوراما كاملة والدكتور مستني الإلتهاب يروح والورم بحقن قوية وبعدين يقرر في ايه؟ هو نفسه بيسأل في إيه؟ هو أنا اللي هاعرف يادكتور".
واستكملت: "وطبعًا منيمني على روحي، لأن الألم الحمد لله ما يتحملوش إلا حد مستسلم لإرادة ربنا ويشكره.. المشكلة الشغل وما فيش وقت، لا حول ولا قوة إلا بالله.. لازم يصوروا من غيري وأنا وافقت هعمل إيه! قدر الله وما شاء فعل.. حاضر حبيبي يا ربنا كل اللي تجيبه راضية، والحمد لله هو ما بيجيبش حاجة وحشة أبدًا قضا أخف من قضا.. لو هافدي الغاليين كلهم أنا جاهزة.. ادعولي".
