ايناس الدغيدي: يسرا قالتلي مش عايزة اتباس إلا من أحمد عز

قالت المخرجة ايناس الدغيدي: "اخترت أحمد عز بعد ظهوره في الإعلانات، وفي البداية رفضته مع إنه شكله يجنن، بس الدور كان مع يسرا في فيلم كلام الليل، وكنت شايفه إنه اصغر من يسرا بكتير فقلت مش هينفع من ناحية السن".

وأضافت ايناس الدغيدي خلال تصريحات تليفزيونية: "كان فيه قبلة ليسرا في فيلم كلام الليل، فهي قالت لي مين الراجل اللي هيبوسني بكرة، وانا مش هتباس من أي حد، قلت لها اخترت واحد كويس، فقلت لها انا اخترت لك راجل فلما شافته سألتني انتي شوفتي اسنانه قلت لها مخدتش بالي، فقالت لي انا مش هبوسه ده سنانه كلها سودة، فالمنتج كان حابب شكل أحمد عز فقال ليسرا عليه، وهو علشان وسيم جابته وقالت ده أنا هبوسه التاني ابو سنان سودة مش هبوسه".

وتابعت: "قلت لـيسرا أحمد عز صغير وانتي اكبر منه، فقالت لي ملكيش دعوة انا مش هابوس غير أحمد عز، وفعلا عمل الدور حلو، والبوسة طلعت حلوة ومشي أحمد عز من الفيلم واتعلم، وبعدين عمل فيلم مذكرات مراهقة، وهو تطور جدا وفعلا كان مجتهد جدًا علشان يبقى ممثل".