بعد تعرض وجهها للتشوه.. وفاء سالم تسحر الجمهور فى أحدث ظهور.. صور
شاركت الفنانة وفاء سالم جمهورها ومتابعي حسابها الشخصي على موقع "فيس بوك"، صورًا من أحدث جلسة تصوير خضعت لها الفترة الأخيرة.
وظهرت "وفاء" بإطلالة شبابية، وذلك بعد أيام من إعلانها تفاصيل خضوعها لعمليات تجميل تسببت في تشوهات في وجهها من قبل أطباء معروفين في مجال التجميل.
وقالت "سالم" خلال تصريحات تليفزيونية: "أنا على مدار كذا سنة تعرضت لحقن وخيوط عند دكاترة كبيرة مشاهير، وكنت كل مرة أروح لدكتور على أساس يصلحلي غلط اللي قبله".
وأضافت: "كل مرة كنت بتفرج على النتيجة، الاقي تشوهات في وشي، والناس كانت بتتكسف تقولي، حتى كان أدائي مضايقني جدا، إزاي كمملثة وأنا في تشوهات في وشي، لغاية إني وصلت لمرحلة، إني مش هروح لأي دكتور، لإني كل ما أروح لدكتور يقولي احنا مش هنقدر نعمل أي حاجة".
وتابعت: "أنا دلوقتي بوري وشي لحضرتك من غير أي فلاتر ومن غير أي ميك أب، المناطق اللي في وشي أغلب الأساتذة قالولي مش هنقدر نتدخل لإنها مناطق أعصاب. لحد ما ربنا كرمني وقابلت دكتور س.غ، أنا ما كنتش فاهمة لما قابلته قالي احنا محتاجين نعمل إشاعة للمنطقة دي"، مضيفة: "الدكتور عمل العملية وصورها لي فيديو، لقى إن الصديد واصل للشبكية وللمخ، الحمد لله ربنا انقذني، أنقذ حياتي، بعيدا عن إني همثل أو مش همثل، الحمد لله إنه أنا تجاوزت دا".
وأردفت: "الصديد اللي حصلي كان من الحقن، وكان في خيوط جوا وشي، أنا تعرضت لطول الوقت لشكل من أشكال الابتزاز، وكان نفسي إن دا ما يحصلش"، موضحة: "أنا رجعت بنسبة كبيرة جدا لشكلي، رجعلي وفاء، أنا عايزة وفاء اللي الجمهور حبها".
يذكر أن أخر أعمال الفنانة وفاء سالم مسلسل "القاتل الذي أحبني"، بطولة هاني رمزي، سهير رمزي، أحمد فؤاد سليم، محمد جمعة، ياسر فرج، رانيا منصور، تأليف صلاح عربي، إخراج عمرو عابدين.
