أول رد فعل لزوج البلوجر أحلام بعد إعلان ضربها وانفصالهما

قدم أحمد العجمي، مصمم الأزياء، اعتذار بشكل علني للبلوجر أحلام عادل، بعد إعلان الأخيرة انفصالهما بسبب مشادات وقعت بينهما أثناء رحلة عمرة.

وقد سبق وأن قالت البلوجر أحلام عادل عبر خاصية أستوري بموقع تبادل الصور إنستجرام، عن الأمر قائلة: "أنا رجعت من العمرة مضروبة ومطلقة عشان جبت مصليات لزمايلي الولاد والبنات.. ملحوظة كانت مصلية مش إزازة خمرة"

وفي هذا السياق قال"العجمي"، في مقطع فيديو عبر صفحته الشخصية على "انستجرام": "أنا أول مرة اتكلم فيديو.. حصل بيني وبين أحلام شد في العمرة وزقيتها ودا مكنش لازم يحصل خالص.. ولما رجعنا من العمرة صالحتها وكنا كويسين وحصل خلاف تاني وزعلت مني".

كما أضاف العجمي: "هي افتكرت كل اللي كنت بعمله.. أتمنى أنها متزعلش مني والدنيا تروق، أنا غلطان، وانتوا تدعولنا أن ربنا يصلح الحال سنة أولى جواز فيه شد وبنطبع على طباع بعض وربنا ييسر الدنيا".

وتابع : "هنروح لحد متخصص عشان نعرف إزاي نتعامل ونتفاهم مع بعض، كل اللي محتاجه منكم انكم تدعولنا ربنا يهدينا والكلمة الحلوة في الوقت دا بتبقى كويسة".

كانت أحلام قد شرحت ما تعرضت له في رحلة العمرة مع زوجها في مقطع فيديو، ونشرت مقطعًا صغيرًا فقط، وحذفته بسبب انهيارها معلقة عليه: "أنا صورت كتير وفي الآخر بعيط وبنهار وحسبي الله ونعم الوكيل بجد".

يذكر أن أن البلوجر أحلام قد تزوجت من مصمم الأزياء أحمد العجمي في 10 مارس من العام الجاري