بيومي فؤاد يكشف تفاصيل خطيرة عن حالته الصحية: الدم مش بيوصل لرجلي

أطلق الفنان بيومي فؤاد العديد من التصريحات التي دفعت به لقائمة الترند على مواقع التواصل الاجتماعي خلال الساعات القليلة الماضية، حيث كشف عن حالته الصحية قائلًا: "بسبب السمنة عندى مشكلة في رجلى مبقدرش أقف لمدة دقيقتين، لأن فيه وريد في الضهر بيوصل الدم لرجلى لما بطوّل في الوقوف بيضيق وبيخلى الدم يقل في رجلي، ومبقدرش أقف ولازم أقعد، وتواصلت مع دكاترة من برا، ولكن مفيش وقت عشان أسافر وأروح لهم".

بيومى فؤاد: أول أجر لي في مسرحية كان 750 جنيها لمدة 15 يوم عرض

فيما علق الفنان بيومي فؤاد، على مقارنته بالراحل الفنان حسن حسنى: "مش بتكلم على نجم كبير رحمة الله عليه حسن حسنى.. لو بيومى عمل دور كان مترشح له حسن حسنى هيعمله ليه.. وأجرى أنا قد إيه وهو قد إيه".

وأضاف خلال تصريحاته: "أكتر مدرسة كوميدية لسمير غانم وسعيد صالح عندهم عشوائية وبلا منطق وبحبها جدا، ولكن كوميديا عادل إمام ومحمد صبحي مدروسة".

ملابس تنكرية لعيد ميلاد مميز مستوحاة من برومو مسلسل الكبير أوى 8

وعن نصح الزعيم عادل إمام له في قبول الأعمال، قال: "الزعيم قال لى خلى كلمة لا لما تقولها، تقولها بقوة مش بتردد، وذلك بسبب أن أنا كنت بشتكى له على الأعمال الكثيرة اللى بعملها وبأجر قليل".