فنانة شهيرة تعترف: بروح لأطباء نفسيين وبتعالج بالقرآن

قالت الفنانة ناهد السباعي: "زرت طبيب نفسي بعد وفاة والدي وأخويا اللي توفوا في نفس الوقت، وكنت وقتها بشتغل وعندي شغل نازل في شهر رمضان فكان لازم مع شغلي أبقى بتابع مع دكتور".

وتابعت "السباعي" خلال تصريحات تليفزيونية: "أنا لما بقرب من أهلي وأقاربي جدًّا وبروح لأهلي المنتقبات والمتدينات بحس إني برتاح وأكون كويسة، ولكن فيه ساعات بيبقى لازم تدخل طبي وأنا كان صعب عليَّ وفاة أبويا وأخويا علشان كدا كان غصبي عني إني أروح لدكاترة نفسيين كتير".

ولفتت: "أنا بكره الأدوية ومش بحبها، وأنا حاليًّا بحب أمشي على اللايف كوتش والحاجات اللي بتعالج بالمياه اللي مقروء عليها قرآن وأنا بؤمن بالعلاج الديني دا، لكن حالتي بعد وفاة والدي وأخويا كانت تستدعي إني آخد أدوية لإني كان عندي اكتئاب شديد".