والدته بلغت عنه.. هتك عرض أخته ذات الـ 5 سنوات.. اعترافات الأم

أحال المحامي العام الأول لنيابة شمال القاهرة الكلية متهما إلى محكمة جنايات القاهرة لهتك عرض شقيقته التي تبلغ من العمر 5 سنوات.

نص أقوال والدة المجني عليها :
ما تفصيلات بلاغك ؟
روحت بيتي وخدت بنتي الصغيرة في حضنى و نمت و بعدين لاقيتها صحيت مفزوعة بتقولى انها متعورة من الخلف وبعدين ببص على الواد ابني الكبير مالقتهوش في البيت و عرفت من بنتي ان ابني الكبير عورها و تقریبا نام معاها و روحت مستشفى الزاوية و مكنش فيها دكاترة في الوقت ده و روحت القسـم بلغت و خلوا حد يروح معايا مستشفى الزاوية و فيه دكتور هناك بص عليها بالنظر و قال مافيهاش حاجة و عشـان كده ما قلتش الكلام ده في القسم اما روحت اعمل محضر بس انا خايفه على بنتي و عايزة حقها والمتهم ابني بس من ام ثانية وانا كل يوم بقفل على بنتى الاوضـة بالمفتاح علشـان كنت خايف عليها من ابني و انا في الشغل الا في اليوم ده كنت فاتحة الباب وهو ده كل اللي حصل.

متى وأين حدث ذلك ؟

الكلام ده حصل اول امبارح السبت بالزاوية الحمراء
وما مناسبة تواجدك في الزمان والمكان سالف الذكر ؟
أنا كنت في البيت لما بنتى عرفتني الكلام ده.
ومن كان برفقتك آنذاك ؟
أنا كنت في البيت و معايا بنتي الصغيرة

ما علاقتك بالمتهم وهل من ثمة خلافات بینكما ؟
ده ابنى و عايش معايا في البيت ومفيش خلافات
ما علاقتك بالمجني عليها ؟
دی بنتی و عايشة معايا في البيت.
كم عمر المجنى عليها ؟
هي عمرها خمس سنوات
وما مدى مشاهدتك للواقعة محل البلاغ؟
أنا مشوفتش اللى حصل
وكيف نما إلى علمك إذا حدوث الواقعة محل البلاغ ؟
بنتي هي اللي حكتلي

وما الذي أبلغتك به تحديدا كريمتك المجنى عليها ؟
هي قالتلى إن هي متعورة و ابني قلعها هدومها و هو قلع هدومه وفيه اثار دم في هدومها الداخلية.

وما الحوار الذي دار بينك و بين كريمتك المجنى عليها الطفلة ؟
هي صحيت مفزوعة بتقولى انها متعورة من الخلف و بعدين ببص علي الواد ابني الكبير مالقتهوش في البيت وعرفت من بنتي ان ابني الكبير نام معاها.
ما الذي دعا كريمتك إلى الإمتثال للمتهم؟

عندها خمس سنوات والمتهم يبقى اخوها الكبير و هي مش فاهمة حاجة من اللي حصل غير انها اتعورت
وأين تحديداً قام المتهم بارتكاب الواقعة ؟
في البيت
وما مدى حمل المتهم سالف الذكر لثمة أسلحة ظاهرة أو مخبأة وقت ارتكاب الواقعة ؟
قالتلي ان اخوها مکنش معاه حاجه

وما صور الإكراه الواقعة على كريمتك ؟
هو اخوها الكبير و هي طفلة صغيرة ومش فاهمة ايه اللي بيحصل

نص أمر الإحالة :

جاء بأمر الإحالة أن المتهم شقيق المجني عليها ومقيم معها بذات المسكن حال كون المتهم ممن لهم سلطة على الطفلة المجنى عليها البالغة من العمر خمسة أعوام نظرا لكونه هتك عرض المجني عليها بغير قوة أو تهديد والتي لم يتجاوز سنها الاثنتي عشر سنة ميلاديه حال إقامتها رفقته فجال بخاطره فكرة خبيثة تجاه شقيقته قادته لها شهوته الخسيسة ونفاذاً لما وغر بصدره استغل انفراده بها وعدم تمييزها - الحداثة لعمرها - بأن اطلق العنان لنفسه لإشباع غريزته الجنسية نحوها مجرداً إياها من ثيابها متحسسا مواطن عفتها ممنيا بها تاركا أثر فعلته الشيطانية عالقاً بملابسها السفلية على النحو الذي أورده تقرير الطب الشرعي والتحقيقات.