رسالة شديدة اللهجة من ميار الببلاوي لـ شيرين عبد الوهاب

تراجعت الفنانة المعتزلة ميار الببلاوي عن مهاجمة شيرين عبد الوهاب، بعد تصريحاتها لها منذ أيام التي تحدثت فيها عن وزنها الزائد ومشكلاتها الأخيرة.

وقالت ميار الببلاوي في تصريحات تلفزيونية مدافعة عن نفسها:" أنا والله زعلت عليها لما شفتها كده.. وكنت عاوزة اقولها بس مكنتش لاقية طريقة أوجه لها بيها الكلام".

واستطردت ميار الببلاوي أنها تراجعت عن حديثها بعدما أخبرها أحد الشيوخ أن ما فعلته يعتبر "غيبة ونميمة" موضحة:" اتصدمت وانهارت وقعدت استغفر ربنا ويمكن أطلع عمرة عشان أكفر عن الموضوع ده".

ودافعت ميار الببلاوي عن نفسها قائلة:" ربنا أعلم بنيتي إني كنت برد دين.. في وقت من الأوقات كنت صغيرة ومعايا ابن ومطلقة ومنهارة وواحدة قعدت جنبي في المسجد قالتلي الكام كلمة اللي قلتهم لشيرين".

وقالت ميار الببلاوي عن شيرين عبد الوهاب:" أنا عاوزاها تقف علي رجليها.. هو مستمتع وبيهيص وبيضحك وهي منهارة وبتتعالج نفسيا وتاخد أدوية اكتئاب".

طالبت ميار الببلاوي، الفنانة شيرين عبد الوهاب في رسالة قاسية، بالانتباه لنفسها خاصة أنها تعد مثلاً أعلى لبناتها، قائلة: "أنا شفت الفنانة الكبيرة النجمة شيرين عبد الوهاب وهي طالعة تتكرم من كام يوم، وشفت الفستان اللي هي لابساه والوزن اللي وصلت له".

وتابعت: "شيرين فوقي لنفسك وولادك، الدنيا مش بتقف على حد اسأليني أنا، كلنا اتصدمنا واتطلقنا وفشلنا، وأنت مش ملك نفسك أنت ملك جمهورك بفنك، وقبل ما تكوني ملك جمهورك أنت مثل أعلى لبناتك".

ولفتت ميار الببلاوي إلى أنها تعلم أن شيرين عبد الوهاب كانت تحب بشدة لكنها في النهاية يجب أن تثبت وجودها من جديد، قائلة: "أنا عارفة إن حبك كان جامد والعلاقة كانت حلوة، قومي اقفي وأثبتي وجودك، والبسي أحلى حاجة، وارجعي تاني ضبطي وزنك".

وأضافت ميار الببلاوي أن حالة شيرين عبد الوهاب النفسية تؤثر بالضرورة على بناتها مستقبلاً في علاقاتهم بأزواجهن، قائلة: "أرجوكي بناتك كده يا إما هيبقوا عبيد لأزواجهم يا إما مش هيدخلوا في أي علاقة، وإحنا منتظرين شيرين اللي بنحبها، الجدعة المصرية الأصيلة، تاخد الخبطة وتقف تاني بـ 100 راجل".

وتابعت: "مينفعش بنتك تشوفك كده منهارة بالطريقة دي، عايزة تبعتي لها رسالة إنك اتدمرتي؟ مينفعش تقوليلها كده أو انتي من بعده زهدتي من الدنيا؟".