أول تعليق من النائبة أميرة العادلي على صورتها المثيرة للجدل أثناء تشجيع منتخب مصر

ردت أميرة العادلي عضو مجلس النواب عن تنسيقية شباب الأحزاب والسياسيين، على ما أثير حول التقاط صورة لها مثيرة للجدل أثناء تدخينها السجائر بمدرجات مشجعي منتخب مصر خلال مباراة الكاميرون، وأكدت أنها تدخن السجائر منذ سنوات ولا تشعر بالضيق من هذه الصور.

وقالت "العادلي" في تدوينة عبر حسابها الشخصى على موقع التواصل الاجتماعى "فيس بوك": "طيب عشان نخلص من القصة والرسايل الكتير، أيوة دي صورتي.. ومش مضايقة ولا مهتمة بالموضوع، انا بشرب سجاير ومن سنين بطلت أعدها ومش مخبيه ده اصلا.. ومش هابطل السجاير واكون انسان جديد عشان انا بحب أدخن.. عادة صحية سيئة بس بحبها.. زي اللي بيحب الأكل الدسم كده بيتخن وغلط علي الصحة بس بيحبه".

وأضافت عضو مجلس النواب: "ببساطة مواطن مصري زملكاوي بيشجع كورة من الطفوله وبيحضر ماتشات فريقه ومنتخب بلده ديما في الدرجة التالته مش المقصورة ولا الدرجة الأولي.. بيفرح ويعيط ويتعصب ويزعق ويطنط ويهتف ويغني وبيأكل ويشرب ويدخن سجابر عادي جدًا".

وتابعت: "معلوماتي إن علب السجاير مكتوب عليها لا تباع لأقل من 18سنة.. بغض النظر عن نوعه أو شغلنته أو ديانته. والتدخين ضار جدًا بالصحة ومانصحش حد يدخن.. غير كده.. انا بدخن وبحب أدخن.. وانا حرة في عالم حر.. فا نفكنا بقي من الكلام الاهبل ده.. ونشجع منتخبنا يوم الأحد وإن شاء الله الأبطال يرجعوا بالتامنه ويفرحوا مصر كلها".