الجمعة 29 مارس 2024 05:56 مـ 19 رمضان 1445هـ
أنا حوا

رئيس التحرير محمد الغيطي

المدير العام منى باروما

يحدث الآن
حوادث

سعاد ووفاء أبرز الأسماء في اعترافات قضية رشوة حي البساتين.. تفاصيل بالمستندات

قضية رشوة حي البساتين
قضية رشوة حي البساتين

واصلت أجهزة وزارة الداخلية جهودها فى مواجهة جرائم الرشوة واستغلال النفوذ والفساد الوظيفى، ونجحت فى القبض على مسؤولين بأحد أحياء القاهرة لتربحهم من وظيفتهما وتورطهم فى قضايا فساد.

وأكدت معلومات وتحريات الإدارة بالتنسيق مع قطاع الأمن الوطنى قيام اثنين من مسؤولى الأحياء بالقاهرة باستغلال موقعهما الوظيفى والاتجار بالوظيفة العامة والتربح منها والتواطؤ مع أحد الأشخاص "متوفى" والاتفاق على تزوير بيانات استصدار رخصة تعلية للعقار ملكه بمنطقة البساتين، وإثبات أن العقار مسموح له بالتعلية ومطابق لاشتراطات التعلية بالمنطقة، على خلاف الحقيقة، مما مكنه من الحصول على رخصة لتعلية العقار من الدور الرابع حتى الدور الحادى عشر وتمكينه من إتمام بناء برج سكنى بارتفاع 11 دور بالمخالفة للقانون والاشتراطات البنائية بالمنطقة والتربح من بيع الوحدات السكنيه دون وجه حق. حصل "أنا حوا" على نص أقوال المبلغة عن قضية رشوة حي البساتين والتي تحقق فيها النيابة العامة.

وجاء في نص الأقوال

س: ما اسمك وعملك؟

ج: لبني سعيد محمود سالم

س: ما معلوماتك بشان الواقعة محل التحقيقات؟

ج: اللي حصل اني وزوجي في غضون عام 2018 اشترينا وحدتين من شخص يدعى السيد الكموني صاحب شركة الكموني للمقاولات في العقار رقم 5 بلوك 67 الشطر العاشر زهراء المعادي البساتين في الدور الارضي مطلة على الوجهة وفي الدور الأول على انهم تجاري وعملنا عقد بكده واشتريناهم بمبلغ 800 ألف للوحدة الواحدة كاش وتقيسط للوحدة الثانية 750 الف جنيه ومنذ شراءنا للوحدتين لم نستطع تاجير أو فتح المحلين لعد وجود مرافق بالعقار ولبنا من صاحب العقار عدة مرات إلا أنه كان بيماطل وحتى سددنا كل الأقساط للوحدة الثانية علشان يخلصنا وده في عام 2020 ولكنه برضة مدخلش المرافق.

وبعد لما اشترينا لقينا العقد مكتوب فيه انه وحدة سكنية وعرفنا من جيرانا ان كل المحلات في الزهراء اصلا وحدات سكنية ومحول النشاط وعرفنا في سبتمبر 2020 ان فيه قانون جديد صدر بالتصالح في مخالفات البناء فقررنا اننا نروح تعمل التصالح عشان نكون ماشيين قانوني فسألنا جيرانا أصحاب المحلات فصاحب جوزي اسمه اشرف وهو صاحب محل في نفس العمارة قالنا ان فيه مكاتب سمسرة هي اللي بتخلص كل الاوراق علشان التصالح وهو يعرف مكتب كويس جنب الحي، فساعتها وصلنا بمدام وفاء وزوجها ياسر واتقابلنا كلنا عندهم في المكتب ودفعت لوفاء كذا مبلغ مالي على مراحل عشان نجهز كافة الاوراق ولكننا حسينا أنهم متباطئين في الإجراءات فابتدينا احنا بنفسنا نروح على الحي عشان نخلص الأوراق ولكن لقينا هناك تعنت شديد من موظفي الحي وخصوصًا الاستاذة أسماء أحمد البكري مديرة الإسكان في الحي.

ولما لقينا الطريق اتسد رجعت اتكلم مع وفاء تاني وقالتلي ان اسماء دي صديقتها الشخصية وانها ممكن تساعدنا ننجز الإجراءات وبالفعل بعدها مدام وفاء جاتلنا انا وباقي المحلات في العمارة بنموذج 3 تصالحات وقالت لنا دلوقتي في نموذج 5 وهي هتمضي على النموذج ولكن المهندسة اسماء عاندة ومصممة ان كلنا كأصحاب محلات نملى النموذج مع بعض عشان يترفع كله للجنة ونصدر نموذج 10 تصالح نهائي في المحافظة. ولكني صدمت لما وفاء قالتلي ان اسماء طالبة 30 ألف جنيه عن كل وحدة بإجمالي ما يزيد عن 200 ألف جنيه واحنا قلنا ان المبلغ ده كتير جدا فمدام وفاء قالتلنا فعلا كتير وهي أسماء لازم حد يشتكيها لانه كده بتزود جامد فقعدنا نساوم لحد ما وصلنا لمبلع 100 ألف جنيه لينا كلنا وبالفعل جمعنا الفلوس وفي الوقت ده كنت انا بسال عن الرقابة الإدارية لاني عرفت انهم بيشرفوا على الأحياء ووصلت لمقر الهيئة وقابلت طلعت بيه وحكيتله عن كل الموضوع وده كان يوم 17 مايو 2012 وهو نبه عليا اني متواصلش معاها غير لما اكلمه ولا اقابل حد فيهم، وفعلا بعدها بكام يوم كلمني وقالي احنا محتاجينك تكلمي وفاء وتقوليلها اننا موافقين على 100 الف جنيه زي ما اسماء طلبت ولكن لازم تقدمها ليها هي شخصيا عشان المكتب مياخدش الفلوس منهم وعشان نتاكد انها مش هتعمل ضدنا محاضر او توقف نموذج 10 من الاصدار.

وفعلا كلمت وفاء وابتدينا نتناقش في الموضوع واتفقنا نروح لأسماء في الحي وده كان يوم 19 مايو 2021 وفي نفس اليوم الصبح روحت الرقابة وقابلت الضابط وهناك الفنيين ركبوا الاجهزة تحت الهدوم وادوني شنطة فيها كاميرا وروحت قابلت وفاء في مكتبها جنب الحي وبعدين طلعنا على الحي الدور الثالث ودخلنا مكتب اسماء وهناك ابتدينا نتكلم عن الموضوع ولاحظت ان اسماء للمرة الأولى بتتكلم معايا بشكل كويس وبتهزر وقالت صراحة انها هتمشي الموضوع علشان خاطر وفاء وكانت فاكرة ان الفلوس معايا الوقت ده وقالتلي سييبها ولكنها لما بصت في الملفات لقيت انهم ناقصين حاجة تثبت التاريخ قبل القانون واحنا وعدناها نجيبها تاني يوم وهي وعدتنا انها هتمضي نموذج 5 في اليوم التالي.

واتقال صراحة انها ليها الـ 100 الف جنيه وهي أقرت بده وفي اليوم التالي روحت برده الصبح للرقابة الإدارية وتم تجهيزي بنفس الأجهزة وادوني الفلوس المسلسلة 100 ألف جنيه وروحت لوفاء وطلعنا علي اسماء في الحي وقعدنا نتكلم معاها واديناها الاوراق اللي كانت ناقصة ولكن علشان الضابط كان منبه عليا اني اؤكد عليها المبلغ المالي فاتكلمت معاها وتجاوب ولكني قلت وكررت الموضوع عشان التاكيد فهي توترت وفجاة قامت جريت وقالت لوفاء الموضوع ده مش حلو وانا ماشية وبعدها نزلت مع وفاء وقابلنا جوزها في العربية وقعدوا يوبخوا فيا واتكلموا بطريقة مش كويسة. وقررت الدائرة 26 جنايات القاهرة، المنعقدة بمحكمة التجمع، برئاسة المستشار شعبان الشامي، اليوم الخميس، إخلاء سبيل الوسيطة في قضية "رشوة حي البساتين".

وحضر مع المتهمة فريق دفاعها المكون من المستشارين إسماعيل بركة ومحمد اسماعيل واشرف طه وطالبوا بإخلاء سبيل موكلتهم كونه لا يخشي علي هروبها، بالإضافة إلي أنها موظف عام، لتقرر المحكمة إخلاء سبيلها.

كانت الأجهزة الأمنية ألقت القبض على موظفة بحي البساتين؛ لاتهامها بطلب مبلغ مالي من محامية على سبيل الرشوة.

وكشفت تحريات الرقابة الإدارية، طلب الموظفة مبلغا ماليا على سبيل الرشوة من محامية للإخلال بأعمال وظيفتها، مستغلة موقعها الوظيفى، مما يضر بالمال العام.

ووجهت النيابة العامة للمتهمة تهم الرشوة وتلقي المال، واستغلال وظيفتها ومنصبها؛ للإخلال بالقانون، وذلك عقب مواجهتها بالمبلغة.

1dd18b0c2f81a6e99705ceb987205433.jpg
5a20936fdc9cd7df11002d1aa3788699.jpg
8d9ff92410d16e76d040f124238e519b.jpg
قضية رشوة حي البساتين

أسعار العملات

العملةشراءبيع
دولار أمريكى​ 30.838030.9357
يورو​ 33.539433.6519
جنيه إسترلينى​ 37.903038.0355
فرنك سويسرى​ 33.625633.7431
100 ين يابانى​ 23.465223.5450
ريال سعودى​ 8.20848.2357
دينار كويتى​ 100.7317101.0905
درهم اماراتى​ 8.39658.4243
اليوان الصينى​ 4.51394.5297

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 2,309 شراء 2,343
عيار 22 بيع 2,116 شراء 2,148
عيار 21 بيع 2,020 شراء 2,050
عيار 18 بيع 1,731 شراء 1,757
الاونصة بيع 71,797 شراء 72,863
الجنيه الذهب بيع 16,160 شراء 16,400
الكيلو بيع 2,308,571 شراء 2,342,857
سعر الذهب بمحلات الصاغة تختلف بين منطقة وأخرى

مواقيت الصلاة

الجمعة 05:56 مـ
19 رمضان 1445 هـ 29 مارس 2024 م
مصر
الفجر 04:20
الشروق 05:48
الظهر 11:60
العصر 15:30
المغرب 18:12
العشاء 19:30