والدة «فتاة المعادي»: عرفت اللي حصل لبنتي من التليفزيون

حصلت « انا حوا »، اليوم الثلاثاء، على نص أقوال والدة «طفلة المعادي» التي اعتدى عليها مشرف أمن بإحدى الشركات جنسيًا بهتك عرضها بالقوة، خلال تحقيقات النيابة العامة.



وقالت «ع.ن.م»، 35 سنة، ربة منزل، للنيابة، بشأن معلوماتها عن الواقعة محل التحقيقات: «اللي حصل إن (ي) المجني عليها في قضية هتك عرض، تبقى بنتي وإمبارح كانت موجودة معايا في البيت وبسأل عليها هي وإخواتها ملقتهمش وخرجت أدور عليهم ولقيت أخوها الكبير (م) قال ليّ إنه رايح لأبوه في المعادي، وعلشان (ي) بتحب تلعب في الشارع كتير شافت إخواتها ماشيين مشيت وراهم ومن ساعتها وأنا مش لقياها وبدور عليها وفي نفس اليوم على المغرب جالي تليفون من ضابط من مباحث قسم شرطة المعادي وسألني إنتي أم (ي)، وطلب مني أجي أنا وجوزي علشان نروح القسم ونشوف البنت، ولما روحنا القسم عرفنا أن فيه واحد اتهجم على بنتي».



وأضافت الأم، أمام النيابة، أنها لا تعرف المتهم «م.ج»، وأن ابنتها تبلغ من العمر 7 سنوات.



وعن حالتها الاجتماعية، أشارت والدة «فتاة المعادي» إلى أنها متزوجة ومازالت على ذمة زوجها والد المجني عليها، واسمه «ا.ح.أ»، الذي يعمل «سايس» في المعادي ويعاني من عدم القدرة على الكلام.



وقالت أم المجني عليها، خلال التحقيقات، إن الأخيرة في الصف الأول الابتدائي بمدرسة عثمان بطموه ميدان المحطة بالبدرشين.



ولفتت «ع» إلى أن المجني عليها «متعودة تلعب مع صحابها قصاد البيت وأول مرة تعمل كده».



وحول قول الأم عما قررته الابنة المجني عليها بقيام المتهم باستدراجها لمدخل العقار وهتك عرضها وملامسة أجزاءً حساسة من جسدها، أوضحت: «أنا سمعت في التليفزيون على اللي حصل والضابط في قسم المعادي حكى لي على اللي حصل».



واختتمت والدة الفتاة بقولها: «بتهم (م.ج) إنه اتهجم على بنتي الطفلة الصغيرة».