السوشيال تفتح النار على شركة ”دومتي“: «أطفالنا فى خطر مُميت»

تداول رواد السوشيال ميديا منشور من إحدى الأمهات، زلزل موقع التواصل الاجتماعى "فيس بوك" فى ساعات قليلة بعد أن حذرت الأم صاحبة المنشور من صلاحية "الكيزر" الذى لا يخلو من أى بيت مصري، والذى أصبح كـ"الداء" بسبب ما يحتويه من مادة "الفورمالين" القاتلة حسب وصفها.

واتهمت سيدة تُدعى هبة سرور فى منشور لها عبر صفحتها الشخصية على موقع التواصل الإجتماعى "فيس بوك" شركة "دومتي" للصناعات الغذائية بالغش والرشوة.

وقالت "سرور" فى منشورها: "مساء الخير، صلاحية الكايزر اللي بناكله لـ أطفالنا ولاننا وثقنا في شركة كبيرة زى شركة دومتي المفروض انها أقصي صلاحية 10 أيام والعيش يبوظ لما يكون عندى كيس مقفول من 15/9 لحد النهاردة محصلش في أي تغير نهائي ولو قعد لـ بعد كدة مش هيحصل في حاجة".

وتابعت: " لما اتواصلت معاهم كلمني مهندس الجودة قالى مكتوب عليه إن في مواد حافظة، وأكيد حضرتك احتفظتي بالكيس في الثلاجة قلتله لا مكنش في التلاجة ولو في التلاجه، الحاجة الوحيدة الي تعمل كدة إن يبقي في فورمالين، قالي تمام أنا هحول حضرتك للشئون القانونية تتابع معاكي الموضوع دة".

وأضافت هبة سرور فى منشورها الذى اجتاح السوشيال ميديا: "الأستاذ الفاضل بتاع الشئون قالي شكرًا يا فندم انك نبهتينا لـ حاجة زى دى تحبي نبعت لـ حضرتك بوكس في منتجات كـ اعتزار من الشركة".

واختتمت: "هو يعنى أنا ممكن أدخله بيتى تانى أو أخلي ابنى يأكل منتجات دومتى تانى علشان تبعتولي".