«وتتوالى الفضائح».. متدربة تكشف كواليس ”تحرش جنسي“ للمخرج محمد سامي بإحدى الفنانات
كشفت فتاة تدعى منة فايد، كانت تعمل متدربة مع المخرج محمد سامي بأحد المسلسلات، عن تحرشه بالفنانة نجلاء بدر، أثناء تصوير مسلسل "حكاية حياة" للنجمة غادة عبد الرازق.
وكتبت "فايد" في منشور لها عبر حسابها الرسمي بموقع التواصل الاجتماعي "فيس بوك"، "محمد سامى نزلت معاه أول تدريب في حياتى عن طريق أشرف زكى في مسلسل حكاية حياة ومتحملتش اوردرين ومشيت كان بيستمتع بإهانة الناس اللى تحته في موقف مثلًا كنا بنصور في شركة المفروض ده مكتب أحمد زاهر وكنت أنا وهو والمساعد الأول في المكتب وأنا وقتها كنت بعانى من قصور كلوى فكان لازم أشرب ميه فكنت بشيل ازازة مية لتر ونص عشان على طول يبقى بشرب ميه طلب ميه وأنا الميه اللى كانت معايا متبرشمه". وتابعت: "عرضتها عليه قالى لا دى كبيرة أوى أنا هطلب ازازة صغيرة المهم سألنى إنتى مين اللى ماسك الورشه بتاعتك بقوله الاستاذ على بدرخان لاقيته رادد حمار أنا وشي احمر ضحك وقال للمساعد الأول شوفت وشها احمر إزاى رديت عليه قولت له مين حمار رد قال على بدرخان طلعت برة عدى من قدامى وقالى على بدرخان حمار ودخل أوضته عشان يبتدى الأوردر.. وفي نفس الأوردر اتحرش بنجلاء بدر في أوضته ولما اتخضت قالها ايه متلمستيش قبل كده؟!! انا جالى ذهول إن ممكن واحدة تتحمل ده؟؟". وأضافت: "في أوردر تانى كان فيه نهى العمروسي وفراس سعيد الشمس خلاص بتروح والبريك قرب وهو عاوز يخلص المشهد نهى العمروسي داخله المفروض بشنط شنطة ايدها وهى نسيت أو حاجة فهو عاوز ياخد المشهد بسرعه فالاسكربت بسرعة بيحط الشنط جنبها وهو بيصرخ الشنط قام شاتم". وأردفت: " نهى ارتبكت وقالت محدش قالى الاسكربت قالها معلش بعد ما خلص المشهد قال Cut وتف في نفس الأوردر في مشهد لأحمد زاهر داخل على نجلاء بدر المفروض انه ماسكها بتخونه مع فراس فبيضرب فراس وبيسحله وبيمسك المسدس، قعد يتريق على فراس يقول لزاهر حط له المسدس في بقه لامؤاخذه في بقه والمساعدين اللى حواليه طبعًا لازم يضحكوا". واختتمت كلامها: "ده مش مخرج ولا فنان ولا أى حاجه الرجل ده بيعتمد على فلوسه وعلى علاقاته مافيش فنان والفن يعنى وعى واحترام وثقافة يتعامل مع ممثلينه والناس اللى بتساعده بالطريقة وتعمد الاهانة بالشكل ده". وأيضًا..https://www.facebook.com/anahwa2019
