رسالة مؤثرة.."جوزي طلقني عشان طلبت يتعزل بعد رجوعه من أوربا وعنده كورونا"

تداول مستخدموا السوشيال ميديا، رسالة مؤثرة لسيدة طلقها زوجها العائد من أوربا بسبب طلبها منه أن "يعزل" نفسه حتى يتم شفاءه.



وكان نص الرسالة كالتالي:



"أنا جوزي كان مسافر بلد اوربي من اللي انتشر فيها الفيرس كورونا جدا ورجع يوم ١٧ قبل ما يقفلو الطيران ..



قبل ما يجي قولته انت تقعد في البيت لوحدك ١٤ يوم زي ما بيقولو ..



وانا هروح عند ماما انا والعيال لحد ما نشوف هيظهر عليك اي حاجه ولا لا ..



قالي ازاي تقولي كده واتخانق معايا وقالي بدل ما تستني وتبقي فرحانه بنزولي العيال وحشني جدا وعاوز اشوفهم ده انا بقالي سنتين منزلتش..



قولته معلهش خليهم سنتين و١٤ يوم وانا هعمللك اكل وكل حاجه في للتلاجه انا خايفه عليا انا والعيال ولازم انت كمان تخاف علينا..







المهم اتخانق معايا وقالي لو سيبتي البيت مش هتخشيه تاني المهم رجع ما لقناش في البيت لان ماما زعقت ليا وبعتت ليا اخويا اخدني ومن يومها بتصل عليه مش بيرد واتفجات إمبارح انه بعتلي مع ابوه انه طلقني فعلا ونفذ كلامه وانا مش عارفه اتصرف ولا اعمل ايه انا غلط في ايه هل مش من حقي اني اخاف على نفسي وعلى ولادي وبحاول اكلمه مش بيرد وعملي بلوك من كل حاجه..



يعني الكورونا خربت بيتي وبقيت اول مطلقه بسبب الكورونا ولا ايه ..



طيب اعمل معاه ايه ده واحنا مش عارفين نوصله اصلا ولا عارفه هو تعبان ولا لا".