وجبات اقتصادية لرمضان 2025 من مطبخ ”انا حوا”.. بطاطس مدخنة
قبل أيام من حلول شهر رمضان المبارك يقدم موقع "انا حوا" مجموعة كبيرة من الوجبات المتنوعة الاقتصادية المناسبة لشهر رمضان، واليوم نقدم لكي، بطاطس مدخنة.
المقادير
طبق جانبى سهل و بسيط جداااا
بس الطعم و لا أروع
مناسب فطار غدا عشا ميقولش لأ
هنحتاج بطاطس محمره صوابع
(أى كمية زى ما تحبو )
(مقلية ف زيت غزير أو ف الأير فراير)
ف بولة نحط بصلة جوانح مع رشة خضرة مشكلة
(بقدونس و كسبرة و شبت )
ملح و فلفل أسود و ظرف مرقة دجاج فورية
و ندعك الكلام الجميل ده كويس جدا
التحضير
ننزل عليه بالبطاطس المحمرة الساخنة
نقلب نقلب نقلب
نحرق فحمة على نار جانبية
نحط الفحمة ف نص البولة و عليها نقطة زيت
و نقفل كويس جدا جدا بغطا أو فويل
حوالى 10 دقايق
