سارة نور الشريف: منة شلبي حلمت بوالدي وقالت إنها هتحج وتتصدقله هناك

كشفت سارة ابنة الفنان الراحل نور الشريف، عن رؤية الفنانة منة شلبي لوالدها في الحلم، وبناءً على هذه الرؤية اشترت منة أضحية عيد الأضحى المبارك باسم نور الشريف.

سارة نور الشريف تشكر منة شلبي بعد شراء أضحية باسم والدها
وكتبت سارة نور الشريف منشورًا عبر حسابها الشخصي بموقع فيسبوك، جاء فيه: الحلوة منة شلبي، كلمتني من فترة صغيرة وقالتلي إنها حلمت بـ بابي حبيبي الله يرحمه، وقالتلي إنها بإذن الله هتروح الحج، وتتصدق لبابي هناك.

وأضافت سارة نور الشريف: الحلوة من جوه قبل بره وفيت اللي قالت عليه، ومن يومين لقيتها بعتالي الصورة، صك أضحية لبابي وكانت مفاجأة جميلة منها، وفي نفس الليلة روحت لبيت بابي القديم في السيدة زينب، وقولتله على اللي عملتيه يامنة.

شراء أضحية باسم نور الشريف
واختتمت سارة حديثها قائلة: حبيبتي مش عارفة أقولك إيه، لأنه مفيش كلام يوصف إحساسي باللي انتي عملتيه، ربنا يكرمك ويسعدك دايمًا، ويطمن قلبك يا طيبة يا حلوة بحبك جدًا.