أول تعليق من خطيبة هيثم أحمد زكي بعد تصريحات حورية فرغلي عن حبه لها

ردت إنجي سلامة، خطيبة الفنان الراحل هيثم أحمد زكي، على تصريحات الفنانة حورية فرغلي حول علاقتها بالراحل، والتي زعمت أن الراحل توفى وهو يحمل مشاعر تجاهها، على الرغم من ارتباطه وخطبته لـ إنجي سلامة.

وقالت إنجي سلامة في تصريح لها: هي عايزة تعمل تريند ومشاهدات على حساب شخص متوفى، ومكنتش تجرؤ تقول أي كلام من اللي قالته وهو عايش.

وأضافت خطيبة الراحل هيثم أحمد زكي: كل شوية تتكلم في الموضوع علشان فاكرة إن مفيش حد هيكدبها ولا يسكتها! وعيب والطريقة دي ملهاش علاقة لا بأخلاق ولا بـ دين إنه تقول كلام مش حلو على شخص متوفى.

وأردفت إنجي سلامة موجهة رسالة لـ حورية فرغلي: أحسن لها تركز في شغلها علشان لما يستضيفوها في برنامج تلاقي حاجة تتكلم عليها غير هيثم الله يرحمه.

حورية فرغلي: هيثم أحمد زكي توفى وهو بيحبني

وسبق وأن تحدثت الفنانة حورية فرغلي، عن علاقتها بالفنان الراحل هيثم أحمد زكي، وقالت في تصريحات إذاعية: أنا قابلت هيثم أحمد زكي عند الأستاذ خالد يوسف لما كنا بنعمل فيلم كف القمر، وأنا أكبر منه بـ 6 سنين وكنا أصحاب ودخلت بيته، الهدوء اللي فيه متقوليش إن في حد ساكن في البيت ده.

واستكملت حورية فرغلي: وأنا حبيته جدًا وميلت ليه في وقت من الأوقات، ولكن هو كان غيورا جدًا، علاقتي بـ هيثم أحمد زكي انتهت وإحنا بنصور دوران شبرا، والدة الفنان هاني عادل توفيت وكنت بعزيه، راح هيثم جابني من شعري وضربني وشتمني وقالي يا طنط، قولتله أنت علمتني ماعرفش حد أصغر مني بيوم.

واختتمت حورية فرغلي: وناس كتير بتقول إن هيثم أحمد زكي، توفى وهو لسه بيحبني، وهو حاول كتير إننا نرجع والموضوع كان بيوصل بيه لحتة خطر.