حورية فرغلي تفتح صندوق أسرارها.. اتدفنت قبل كده ومحستش رهبة الموت

حلت الفنانة حورية فرغلي ضيفة على أحد البرامج التلفزيونية، متحدثة عن العديد من الجوانب في حياتها الشخصية وحياتها الفنية، ومنها طفولتها وحبها الأول وكواليس عدد من أعمالها، وفيما يلي يرصد أنا حوا أبرز هذه التصريحات.

أبرز تصريحات حورية فرغلي

• خطيبي كان 175 كجم وبيعرج برجله، لكن كنت بشوفه أحلى راجل في الدنيا.
• شُفت الحب مرة واحدة في حياتي سنة 2002، مع خطيبي اللي توفى، ومن بعده محبتش حد تاني رغم مرور 21 سنة.
• بعد وفاة خطيبي مرتبطش بحد ولا حد اتقدم لي، وبتحب كتير بس بتصدم لما أعرف السن.
• معنديش صحاب ومبخرجش خالص لأن محدش بيعزمني على حاجة، واتعودت أعيش لوحدي.
• كان عندي 13 كلب، ودلوقتي بقوا كلب واحد و8 أحصنة.
• متهيألي لو اتجوزت مش هستحمل حد ينام جمبي على السرير.
• اتدفنت في مقابر العياط الساعة 3 الفجر، بسبب مسلسل ساحرة الجنوب، ورفضت استعين بدوبليرة.
• مخوفتش لما اتدفنت ولا حسيت برهبة الموت ومستعدة للموت.
• نفسي يجي الموت لأن الدنيا بقى دمها تقيل، والناس وأخلاقهم اتغيرت ومفيش أصول.
• غلطتي إني مش محجبة ولكن بصلي وبصوم وبطلع زكاة وحجيت 7 مرات.
• بابا وماما انفصلوا وأنا عندي 48 ساعة وبدأت أنطق وعمري 8 سنين.
• طفولتي كانت صعبة ونفسي أنساها لأني اتحرمت من الطفولة والمراهقة.
• زوجة بابا ماتت في غارة من غارات العراق، ورأسها طارت قدام عيالها وماتت موتة صعبة.