كريمان تطلب الخلع من زوجها.. لن تصدق السبب

كريمان زوجة صغيرة في السن تزوجت قبل 4 سنوات من زوجها أسامة، إلا أنه وبعد مرور سنوات من الزواج كانت الصدمة في مطلب زوجها الغريب الذي طلب منها ممارسة العلاقة الزوجية أعلى سطح العقار ملكهم، وتقدمت إلى محكمة الأسرة في الكيت كات طالبة الخلع منه.

زوجة تطلب الخلع من زوجها

سردت كريمان قصتها مع زوجها أسامة بعد زواج 5 سنوات، والتي تقدمت في نهايتهم بطلب الخلع منه أمام محكمة الأسرة وذلك بسبب أفعاله الغريبة ومطالبه التي أسمتها بأنها خارجة وتخدش حيائها، حيث رفضت ذلك فقام بهجرها وبعد فشل كل محاولات الصلح بينهم رفعت قضية خلع منه.

وقالت كريمان في قصتها «أنا عندي 24 سنة، وأتجوزت وأنا عندي 19 سنة، وجوزي قدي في السن أكبر مني بـ شهر واحد، وكان جاري في المنطقة، وكنا بنحب بعض جدا من وأحنا عيال صغيرة، ولما بقى عندي 19 سنة أتجوزته، وروحنا نعيش في بيت بتاعهم في الجيزة».

وتابعت كريمان «كنا عايشين في البيت لوحدنا، ومحدش معانا، وفي البداية كانت الحياة جميلة وبسيطة وحصل مشكلة في بداية الجواز بيني وبينه، لأنه كان عايز يمارس معايا العلاقة المحرمة، وأنا رفضت ساعتها وأتخانقنا وبعدها صالحني وأنتهت المشكلة، والأيام مشيت بيني وبينه ومطلبش الطلب ده تاني».

وأكملت كريمان في قصتها «طبعا كان بيحصل بيني وبينه مشاكل عادية زي أي إتنين متجوزين، خلال 5 سنين جواز كانت المشاكل بيني وبينه على هدومي مثلا أو على الخروج أو على مصروف البيت، وكان طبيعي في الحياة ومفيش حاجة مش طبيعية في البيت».

وأختتمت كريمان حديثها قائلة «وبعد كل السنين دي، لقيته قعد معايا في مرة وقالي إلبسي حاجة حلوة عشان نسهر سوا، وبعدها قالي تعالي نطلع السطح، قولت له إزاي هنطلع كدة يعني، قالي إحنا عايشين لوحدنا والبيت مقفول علينا ومفيش جيران أعلى مننا تشوفنا وأنا عايزك على السطح، لكن أنا رفضت وأتخانقت معاه وهو نزل وسابني، وبعدها لما رجع كنت أنا كلمت أخته وحكيت لها وهو عرف أتخانق معايا وروحت بيت أهلي، وحاولنا نتصالح لكن هو راكب دماغه وعايز طلباته الغريبة، قولتله طيب ننفصل في هدوء قالي لا روحت رفعت عليه قضية خلع».