سونيا الحبال تكتب: التدليل والدلع وراغب علامة
دائما لما بتقول كلمة التدليل بيجي في تفكيرنا علي طول تدليل الطفل ودائما يتبع التدليل فساد
ولما تلاقي حد كبير كده تصرفاته مش قد المسئوليه علي طول بتقول اهله دلعوه وهو صغير
التدليل تعني الدلع والدلع في المعامله دائما نتايجها فساد وانهيار
شوف كده كل علاقاتك اللي حواليك وهما كبار بقي مش اطفال من حد زودت جرعة التدليل ليه في المعاملات وكانت نتايجها التقليل منك في الاخر ووضع حجم ليك اقل مش اكبر
شوف كام حد زودت عيار المحبه شويتين ثلاثه وفي الاخر اتكبر عليك ومشي وسابك وهو مش حاسس ان فيه حاجه ناقصاه …ويحس ازاي ده مليان ( ومدلدق) حنيه ولطف واحسان يا جدع بصوت عادل امام
الحياه خلقت بتوازن ومعايير وجايين احنا نبوظها بأفورتنا في علاقتنا مع كل اللي حوالينا وبعدين نرجع نشتكي الاهمال والف بوست من سعادتك علي معني ولاد الاصول والبياعين
لا تفسدوا علاقاتكم بتدليل من حولكم
حققوا توازن العلاقات واعملوا معيار في الاخذ والعطاء
ومتنسوش راغب علامه وهو بيقول اللي باعنا خسر دلعنا ..
ما هو الدلع قولنا افوره وزياده
قول اللي باعنا خسر حبنا وانت تصعب عليا ياراغب محدش قالك دلع واعطي وزود واهتم واللي قدامك عايش علي استنزافك واحلفلك انه عمره ما رد اللي عملته قده ابدا
حبوا نفسكم شويه يا جماعه
دلع نفسك بس ده الدلع الوحيد اللي هيرفعك غير كده
