إلهام شاهين عن فيلم الهلفوت: طلبت أجر 5000 جنيه وعادل إمام شتمني بعدها

استعادت الفنانة إلهام شاهين ذكريات تعاونها مع الفنان عادل إمام في فيلم “الهلفوت” واختياره لها لمشاركته في هذا الفيلم.

وحكت إلهام شاهين في تصريحات تليفزيونية قائلة: “عادل إمام هو اللي اختارني لفيلم “الهلفوت” وهو اللي كلمني وبعتلي السيناريو ودا كان قبل ما الإنتاج والإخراج يكلموني، وقالي أطلبي اللي أنتي عايزاه أنا عايزك في الفيلم، هما كانوا، كان واضح أن عاملين ميزانية كبيرة، وفي آخر يوم تصوير بشكره فسألني “مبسوطة وأخدتي الأجر اللي أنتي عايزاه؟”، قولت له أه فسألني “أخدتي كام؟” قولتله 5000 جنيه، أستاذ عادل شخط فيا وقالي يالا يا عبيطة يا هبلة بقولك أطلبي الأجر اللي انتي عايزاه تطلبي 5000 جنيه، فقولته أنا كان المفروض أطلب أكتر قالي أه أنتي مع عادل إمام قولتله أطلب كام 10 آلاف جنيه، قالي أطلبي 50 ألف جنيه.

وعن تعاونها مجددًا مع عادل إمام قالت: اتكرر بعدها التعاون في فيلم أستاذ عادل إمام في أول يوم تصوير سألني “إيه اللي خلاكي تعملي الفيلم ده” قولتله أنا لو حد قالي فيلم ليك وهعدي من قصاد الكاميرا هقبل، قالي لأ انتي أكبر من الدور ده، الفيلم كان “رمضان فوق البركان” كسر الدنيا إيرادات لكن أنا مستفدتش منه عكس “الهلفوت” اللي نقلني في حياتي وفي الأدوار، واتعلمت درس إنه مش أي دور بطولة لازم دور مهم.

وفيلم “الهلفوت” إنتاج عام 1985، بطولة عادل إمام، إلهام شاهين، وداد حمدي، صلاح قابيل، حسين الشربيني، تأليف وحيد حامد، إخراج سمير سيف.