”من دجالة لـ حرامية”.. جعفر العمدة شوه صورة المرأة في الدراما المصرية

(ثريا): ست على طول بتسرق وحراميه
(نرجس) : ست شاغله دماغها بالأعمال والسحر
(دلال): ست شرانية وبتاعة مؤامرات ودسائس
(عايدة ): ست بتبيع نفسها علشان الحوجه..
(صفصف): الحما اللي لسانها يتبرى منها..
(وداد): ست منعدمة الضمير والاخلاق ..
هاتولي..شخصية نسائية مصرية واحده بس..
ممكن تمثل الصورة الذهنية الايجابية للمرأة المصرية ،
علشان نصدرها بره كقوى ناعمة من خلال الدراما...
لما العالم العربي كله بيتفرج على المسلسل ويتابعة.. ياترى هم دلوقتي شايفين ستاتنا المصريات ..
اي واحدة من النماذج (النص كُم ) دي ازاي..⁉️
(ثريا) ولا (دلال) ولا (عايدة) ولا (صفصف) ولا (وداد)
طيب فين صورة الست المصرية الايجابية..
فين صورة الدكتورة المصرية✔..
فين صورة المهندسة المصرية✔،
فين صور الوزيرة المصرية✔
فين صورة الأستاذة الجامعه المصرية ✔
،فين صورة الموظفة المصرية المكافحة، فين صورة المرا والبنت المصرية الملتزمة، فين ..وفين وفين وفين.. هيطلعونا يقولونا ..اصل الفن بيعكس ويجسد الواقع.
طيب وحياة امك انت وهو هو الواقع المصري .
مافيهوش صور ايجابيه خالص لبناتنا وستاتنا⁉️
سلمولي على مصر سلمولي.
وسلمواي على اي واحدة مثقفه لازال عندها غيرة
على صورة بنات وستات بلادها اللي اتمرمطت