الخميس 28 مارس 2024 03:24 مـ 18 رمضان 1445هـ
أنا حوا

رئيس التحرير محمد الغيطي

المدير العام منى باروما

يحدث الآن
الخارجية الروسية: اليابان تتخلى عن ما تبقى من علاقات ثنائية معناالسفيرة المصرية لدى جمهورية رواندا تسلم أوراق اعتمادها للرئيسالنائبة دينا هلالي تحذر من تداعيات عدم استجابة إسرائيل لقرار مجلس الأمن بوقف إطلاق النار في غزةموسكو: لم نتلق أي مقترح فرنسي بشأن التعاون في مكافحة الإرهابرياح مثيرة للرمال.. حالة الطقس اليوم الخميس 18 رمضان في مصرموعد السحور وأذان الفجر.. إمساكية 18 رمضان لعام 1445 هجريًا من «أنا حوا»أيرلندا تعلن الانضمام لجنوب أفريقيا ضد إسرائيل أمام محكمة العدل الدوليةعايدة نصيف: مصر ساهمت في صياغة العديد من المبادئ التوجيهية الأخلاقية للذكاء الاصطناعي‎برلمانية تثمن خفض أسعار السلع 30% وتطالب بتشديد الرقابة لمنع الاحتكارسولاف درويش تطالب جيش الاحتلال الالتزام بقرار مجلس الأمن بوقف إطلاق النار في غزة‎تفاصيل استخراج كارنية الاتحاد الدولي للصحفيينعمال الإغاثة في غزة: الأطفال هزيلون والسكان يتعرضون لموت قاس ومجاعة
بقلم آدم وحوا

الإعلامية نانسي إبراهيم تكتب : عمري ماكنت انهزامية

الإعلامية نانسي إبراهيم
الإعلامية نانسي إبراهيم

عمرى ما كنت انهزامية أو ضعيفة أو جاحدة أو ناكرة للجميل ، طلبت من ربنا القوة فحطنى فى مواقف يتم اختبار فيها مدى صلابتى وقوتي، وطلبت منه الصبر فإتحطيت في مواقف تثبت مدى صبري، وقدرتى ع التحمل .

طلبت منه الرضا فإختبرنى وإبتلانى وحرمنى ومنع عنى ، والحمد لله رب العالمين فى كل موقف لم أفقد الرضا لوهلة ، أو اكفر بنعمته. دايما كنت انجذب للأشخاص فاقدى الرغبة ف الحياة ، البائسين ، التعساء ، منعدمى الشغف ، اللى عندهم حزن دفين ، ومرارة مقيمة ، وكنت بعتبر إن ربنا حطنى ف طريقهم عشان أكون سبب فى إنى أنقذهم من تعاستهم أو أوقظ رغبة الحياة بداخلهم ، وأغيرهم للأحسن ، ودايما كنت بتحدى الجمع ، ولا أسير مع القطيع ، ولا أسبح مع التيار ، ولا يشغلنى العقل الجمعى ، ولا أتأثر بكلام البعض عن غيرهم ، وبرفض تماماً فكرة تعليب البشر فى أنماط محددة وجاهزة للإستهلاك ، ودمغهم .. على إن دى سيئة ، وده فاشل ، ودى محبطة ، وده كئيب ... بالعكس أى شخص كانت الناس بترفضه أو يتحدوا ضده أو يتنمروا عليه كنت باخد صفه أو صفها على الفور ، وأتحد معاه لأنى لا بحب الظلم ، ولا فكرة الاحتشاد ضد أحد ، والكترة على شخص لأنى انا نفسى عانيت من ده ، واكتشفت ان أغلب الوقت ان الشخص المُحارَب اللى بيتم الإحتشاد ضده بيبقى لأنه كويس .. منور أو عنده حاجة حلوة أو فيه تفرد بطريقته ، وكل دى حاجات بتخوف الناس ، وتقلقهم لأنهم بيرفضوا المختلف ، ويرعبهم .

والحمد لله رب العالمين أزعم إن أنا نجحت فى آلاف المرات مع أشخاص مروا بحياتى ، سواء إنقاذى لقطة من براثن أطفال غير أسوياء كانوا بيلعبوا بيها كورة ، أو صداقتى مع طفلة منبوذة والكل كارهها فى مكان سكننا لأنها مش شبهنا وغريبة الأطوار رغم إنى كنت الطفلة المحبوبة ف الشلة ، واسيبهم وأروح لها واخد على عاتقى إنى اخليها واحدة تانية خالص وانجح بالفعل ، أو اقف فى وسط الشارع عشان أدافع عن طفل غلبان معرفوش رجالة كبار عادمينه العافية م الضرب ... والقائمة تطول .

وكل شخص قابلته كان فاقد الرغبة ف الحياة إديته نَفس الحياة منى ، وطرحت ف قلبه بذور الأمل ، وف عقله شعاع الشغف ... والرضا ، والإرادة ، والرغبة ف التغيير للأحسن ، حتى لو كان ده على حساب طاقتى ، ووقتى ، وضغطتى نفسياً ، وإنهاك روحى .

حقيقى أغلب التجارب قوبلت فيها بالخذلان وإتكافئت بوجع القلب والنكران ... لكن على أد ما فقدت أجزاء من روحى ، وأصابنى الحزن والألم ، لكنها بجد كانت محاولات جديرة بالإحترام ... على الأقل احترمت فيها نفسى ، لأنى تحليت بالصبر والإرادة والجلد ، وقامرت على بشر استحقوا فعلا الحياة ، والفرصة التانية لأنهم ضحية ظروفهم أو مشاعرهم أو ذويهم أو ذكرياتهم ، ودافعت فيهم عن قضية أسمى وهى ( الحق ف الحياة ) وعن إقتناع إن ربنا حطنا فى حياة بعض سبب لبعض عشان ناخد بإيد بعض ، ونساعد بعض .

جايز واحدة زيى أكتر واحدة ف الكون ضعيفة ومحتاجة السند والأمان رغم انها بتوهبه لغيرها ، أو حزينة محتاجة الحضن والإحتواء لكنها بتوفره لغيرها ، وأكتر واحدة بتدى طاقة إيجابية وهى فعليا محتاجة تروح العناية المركزة .... بس والله مش زعلانة ولا معترضة بالعكس ممتنة لكل ظرف ربنا حط أودامى حد كنت سبب فى إسعاده لفترة أو أخدت بإيده لبر الامان ، أو نورت فى عقله فكرة كانت غايبة عنه ، أو حطيت ايده على مصدر قوته ، أو لفت انتباهه لميزة عنده مكانش عارف انها موجودة أصلا ، او خليته يكتشف مشاعر جواه مكانش يعرف عنها حاجة ، وأعدته لنفسه ، وحطيت إيده على منبع وجع عشان يعالجه ... ولا أنكر إنى كمان اتعلمت منه حاجة ، زى ما علمته حاجة .

قسما بالله العظيم ، وبحق هذة الأيام المباركة بحس إنى بتاجر مع ربنا سبحانه وتعالى ، جايز أنا كمان فى يوم م الأيام ألاقى العوض والسكن والحضن ومرفأ الأمان ، ويتعمل معايا بالظبط اللى عملته مع غيرى ، ويطيب خاطرى ، ويطبطب على روحى ، ويجبر نفسى ، ويسعد قلبى سعادة دائمة لا تغيب ، ويصالحنى على الدنيا لتهدأ نفسى هدوء لا أقلق بعده أبدا ، ولا أخاف من بكرا ، ولا أحزن على ماضى قد مضى .

عشان كده متزعلوش أبداً من حد زرعتوا فيه خير وحصدهولكم شر ، أو قابلته بإقبال وردهولكم بإدبار ، أو روحتوا له بوشكم فأدار لكم ضهره ، أو خذلكم ، أو وجعكم ، أو تخلى عنكم ، أو آلمكم ، أو كان السبب فى حزنكم ، أو تنصل لكم ، أو أنكر لكم خيرا ، أو استنفذ روحكم متحاسبوش حد مش قادر يساعد نفسه فإزاى هيساعدكم ... لأن كل ده والله العظيم متقيد بالحرف مش بس فى ميزان حسناتكم ... لا ده كمان فى قفة الخير الكبيرة اللى ربنا شايلها لكم ... وفى وقت م الأوقات هتدركوا حكمة ربنا فى كل ده .

عشان كده ، وبمناسبة هذة الأيام الكريمة المباركة ... بعلن للجميع ، وبصوت عالى ، وبنفس راضية إنى ممتنة جدا لوجود هولاء الأشخاص فى حياتى ، ولكل من مر بها بقى ... أو مضى ، لأنهم علموني عن نفسى حاجات فعلاً مكنتش أعرف خالص انها موجودة .

وكل سنة وانتم فى خير ربنا ونعمه الكبيرة . . . بحبكم ، وبحب نفسى ، والأهم بحب ربنا ، وواثقة فيه ، وفى عدالة حكمه ، وفى روعة أقداره لنا ، وحسن إختياراته عنا .

الإعلامية نانسي إبراهيم أنا حوا انهزامية

أسعار العملات

العملةشراءبيع
دولار أمريكى​ 30.838030.9357
يورو​ 33.539433.6519
جنيه إسترلينى​ 37.903038.0355
فرنك سويسرى​ 33.625633.7431
100 ين يابانى​ 23.465223.5450
ريال سعودى​ 8.20848.2357
دينار كويتى​ 100.7317101.0905
درهم اماراتى​ 8.39658.4243
اليوان الصينى​ 4.51394.5297

أسعار الذهب

متوسط سعر الذهب اليوم بالصاغة بالجنيه المصري
الوحدة والعيار الأسعار بالجنيه المصري
عيار 24 بيع 2,309 شراء 2,343
عيار 22 بيع 2,116 شراء 2,148
عيار 21 بيع 2,020 شراء 2,050
عيار 18 بيع 1,731 شراء 1,757
الاونصة بيع 71,797 شراء 72,863
الجنيه الذهب بيع 16,160 شراء 16,400
الكيلو بيع 2,308,571 شراء 2,342,857
سعر الذهب بمحلات الصاغة تختلف بين منطقة وأخرى

مواقيت الصلاة

الخميس 03:24 مـ
18 رمضان 1445 هـ 28 مارس 2024 م
مصر
الفجر 04:21
الشروق 05:49
الظهر 12:00
العصر 15:30
المغرب 18:11
العشاء 19:29