فضايح بالجملة.. تطبيق شهير يشعل السوشيال بعد تسببه في نشر صور خاصة لفتيات
كتبت الصفحة الرسمية لمؤسسة قاوم الشهيرة بمكافحة الابتزاز الالكتروني وجرائم الانترنت، مساء أمس، منشورًا عن تطبيق شهير خاص بتعديل الصور، ينشر صورًا لفتيات دون علمهن، مما أثار جدلًا واسعًا بين رواد السوشيال ميديا.
وجاء في المنشور: "حد بعتلنا إن في برنامج بيعدل الصور وفلاتر للأسف البنات بلا وعي أو معرفة صورهم بتنزل عليه من غير ما يعرفوا وهما فاكرين إن الصور بتتحفظ على موبايلاتهم في الاستديو الخاص بالصور، كارثة حقيقية إن الناس مبتقراش أو تفهم البرنامج بيستخدم ازاي، تخيل أن حياتك وصورك الخاصة في بيتك اللي أنت ممكن تبقي متصورها لنفسك عادي بقيت مع كل الناس".
وتابعت "قاوم" في منشورها: "حضرتك اللي بتكسل تقرأ وبتنشر الصور دي بدون علم منك وانت بتعدل الصورة فبتنزل علي حسابك علي البرنامج لأن فيه خدمة سوشيال ميديا، فالصور بتنزل علي حسابك على البرنامج وانت مش واخد بالك بسبب انك مستعجل وبعد ما بتعمل حفظ للصورة بتضغط علي نشر ودا بيتنشر علي حسابك في البرنامج وانت مش واخد بالك".
واتضح أن هناك طريقتين لحفظ الصور بعد تعديلها على البرنامج وإحداهن هي التي تسمح بنشر الصور على البرنامج ويراها جميع المستخدمين، الطريقة الأولى وهي الضغط على علامة الحفظ مباشرة، والثانية هي الحفظ مع النشر، فيظهر على الشاشة خاصية النشر فبدلا من تخطيها يضغط البعض عليها وهو يجهل معناها وخطورتها.
