رانيا يوسف تتغزل فى ميسي: نفسي أتجوز راجل أجنبي زيه

قالت الفنانة رانيا يوسف: "أنا معنديش مواصفات معينة في الراجل اللى ممكن اتجوزه ولكن نفسي أحس انه مش بيتعامل مع رانيا الفنانة أنا في البيت ست عادية مش عاملة شعري ولا حاطة ميك اب ولا قاعدة مأنتخة".

وتابعت "يوسف" خلال تصريحات تليفزيونية: "يعاملني بني اَدمة عادية مش فنانة، ومش طالبة شبكة بالملايين وفي الجوازات التلاتة بتوعي مجاليش شبكة بالملايين"، موضحة:"لو راجل بصلي بصة مش كويسة وتوجع انا ممكن اقلب الترابيزة عليه واعور له عينيه، وانا متجوزش واحد عقلية سي السيد".

ولفتت الفنانة رانيا يوسف: "فيه اصدقاء مشتركين بيني وبين ليونيل ميسي وانا بحبه لانه راجل تجاوز مشاكل كبيرة وهو مش بتاع منظرة، والاصدقاء المشتركين ما بينا بيقولوا انه رجل وانسان جميل جدًا، وانا بشجع اللعبة الحلوة، وهو حلو مع مراته، ونفسي يكون عندنا نموذج ميسي الراجل الحلو ده، ليه مش عندنا رجل زي ميسي في مصر، واتمنى اتجوز راجل اجنبي".