حقيقة عودة أسما شريف منير لطليقها

نشرت الإعلامية والفنانة أسما شريف منير، عدة صور وفيديوهات قصيرة لها -عبر حسابها الرسمي بتطبيق انستجرام- ظهرت فيها مع ابنتها لارا السكري، ووالد ابنتها محمود السكري، خلال احتفالية مدرسة لارار بأعياد الكريسماس والعام الجديد.

وكتبت أسما شريف منير، تعليقا مطولا على هذه المناسبة بدأته قائلة: «الفيديو اللي في سلايد رقم ٣ (لارا) آخر واحدة فوق خالص لبسه لبس سانتا .. وده كان رد فعلها وطاقتها أول ما شافتني أنا وبباها وعشان كده بكتب البوست ده وعشان كل ما تيجي فرصة اني اتكلم في الموضوع ده بعمل كده، عشان كل مرة بحس ان لو اب واحد او ام واحدة سمعوني ، وراجعوا نفسهم وقرروا أنهم يتنازلوا عن كل الخطط و القضايا والمحاكم والخناق وفكروا قد ايه هما بينقذوا نفسية و مستقبل اولدهم مش هيترددوا لحظه انهم يختاروا السلام».

وتابعت أسما شريف منير: «كل مرة بنفهم اكتر عن نفسية بنتنا و التغيرات اللي بتعدي بيها و كل مرة بنتحد فيها او بنكون موجودين في اهم لحظات حياتها بنشوف قد ايه بتكون سعيده من قلبها و نفسيتها مرتاحة و دي اكتر حاجة بتفرقلها، اكتر من الهدايا و اللبس و اللعب».

واستطردت أسما شريف منير: «وشهاده ابو بنتي انه بيكون متواجد في كل حفلات المدرسه و كل مناسبة تخصها مش بيعمل زي رجاله كتير و سيبها عاليا، بالعكس و دي حاجة تاتيه مهمه جداً، ان الأب مش دوره بس انه جيب فلوس، كل حاجة الأب بيشارك فيها بتقرب الطفل خطوة ل نفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض و بنحترم مشاعر بنتنا و بنسمع لها بجد».

وتابعت أسما شريف منير: «التضحية الحقيقة مش اننا نستخسر في نفسنا اشياء عشان أولادنا، لأ.. التضحية المفيدة اننا نتنازل عن الانتقام اللي بيرضي غرورنا او بيحسسنا اننا جبنا حقنا و نسيبوا علي جنب و نعيش في سلام.. نتواجد في حياة اولدنا رغم عدم التكافؤ، لان كل عيوبنا و اختياراتنا اللي واجعه قلوبنا كلللللللله من تربيه اهلينا لينا، زمان كانه ماشين بالبركه بس دلوقتي مع التطور و الاطلاع علي طرق صحيه لتربيه اولدنا ممكن نتجنب اخطاء نفسيه كتير ممكن تفرق في حياتهم».

وأضافت أسما شريف منير: «يا رب يا بنتي ربنا يقدرنا و نقدر نعمل كل حاجة في ادينا عشان نطلعك في احسن حل و يباركلنا فيكي و يبعد عنك كل سوء، احنا بنحبك و بنحاول نعمل كل حاجة عشان تكوني احسن مننا و احسن الناس.. شكراً يا سكري لانك حقيقي احن و احسن اب في الدنيا و هتفضل طول عمرك صديق عمري و ابو بنتي لاخر يوم في العمر».



حقيقة عودة أسما شريف منير لـ طليقها
واختتمت أسما شريف منير: «ملحوظة: احنا مش هنرجع و لا بنفكر في كده خالص، بلعكس علاقتنا كده هتستمر العمر كله ان شاء الله، لكن حقيقي الموضوع مش عن الرجوع خالص و عشان كده انا بقولكم انه ساعات العلاقات بتكون صحيه اكتر كده بس المهم اننا نحاول دائما علي ايجاد احسن ظروف لنفسيتنا و نفسيه اولادنا».