«نمبر وان حرامى».. مُلحن يتهم محمد رمضان بسرقة أغنيته الجديدة

اتهم الملحن صادق عادل الفنان محمد رمضان بسرقة لحن أغنيته الجديدة "لو ناسيين أفكركم"، والتي طرحها "رمضان" مساء الخميس مع الفنانة شاهيناز، ومن إنتاج شركة روتانا.

وقال الملحن صادق عادل عبر حسابه الرسمي على موقع التواصل الاجتماعى "فيس بوك" تفاصيل واقعة اتهامه لـ"رمضان" بالسرقة، وقال: "هام جدًا جدًا، أغنية النجم محمد رمضان الجديدة لو ناسيين أفكركوا من ألحاني ونازلة بصوتي من يوم 7/11 اللي فات يعني من 4 شهور والكل يقدر يسمعها قبل ما يقفلوها عشان وصلتني معلومات إنهم بيحاولوا يقفلوها دلوقتي".

وتابعت: "المهم إني تفاجأت إن مكتوب في التتر إن الأغنية من ألحان الأخ شريف عبادة ودى فضيحة وسرقة علني، مش لأنه مش ملحن الأغنية، لأنه مش ملحن أصلاً وأنا أتحداه يغني اللحن بصوته أصلاً".

وأكمل حديث قائلاً: "أنا عايز حقي وبطلبه بكل أدب واحترام، يا ريت كل الناس تساعدني أوصل صوتي وأجيب حقي من المدعو شريف عبادة لأنني أعتقد أن النجم محمد رمضان وشركة روتانا تعرضوا للنصب.. مستحيل يكونوا على علم بالسرقة العلنية دي والله أعلم".

واختتم حديثه: "أتمنى من كل أصدقائي الصحفيين متابعة الموضوع ومساعدتي على أخذ حقي بكل الطرق المشروعة".

وحتى الآن لم يعلق محمد رمضان عن الأمر أو شركة روتانا بشأن اتهام السرقة.

وتقول كلمات الأغنية: "لو ناسيين، ماليش جناح عشان تقصوه ولا عيني إزاز عشان تكسروه، مفيش تيكتات شبعنا من دول، بس دماغنا أعلى من السوق، حوالينا فيه كلاب كتيره بتحوم على المصلحة فـ ثانية بتقوم على الجدعنة زميلي بتدوب، الله الغالب كله مغلوب".