طارق الشناوي: عمرو دياب بياخد حِكم التكاتك ويعملها أغاني

قال الناقد الفني طارق الشناوي، إن الهضبة عمرو دياب يتخذ من الكلمات المكتوبة على وسائل النقل، كلماتًا لأغانيه.

وأضاف "الشناوي"، خلال تصريحات تلفزيونية: "عمرو دياب، بياخد الحِكم من التكاتك وبيعملها أغاني، وأغلب أغانيه موجودة على التكاتك وده مش غلط، مش دول ولاد بلد وإحنا ولاد البلد؟ يعني مثلًا سيد درويش لما غنى سلمى يا سلامة، دي جملة اتقالت في الشارع وهو خدها ناحيته".

وأكد الناقد الفني: "عمرو دياب بياخد الأغاني الموجودة على التكاتك أو الميكروباصات وولاد البلد والشعراء اللي بيشتغلوا معاه وبيغنيها بطريقته وده مش عيب، هو بيقول أغاني ممكن تكون مهرجانات لو متمش تعديلها وتهذيبها بطريقة عمرو دياب".