سونيا الحبال تكتب: زاي تحب عدوك
اه زي ما بقولك كده
تخيل نفسك في هذا العالم وحدك
ايوا لوحدك واخد قارات العالم رايح جاي كل العالم ملكك انت ..بلادها بشوارعها بقصورها بعربياتها بطيارتها بفلوسها بدهبها
ايوا الكون كله بتاعك بس انت لوحدك مفيش غيرك
ايوا هتعيش فيه لوحدك
طيب هتكلم مين ؟؟
مفيش
هتتفشخر حتي علي مين ؟؟
مفيش
طيب هتتبسط مع مين هتتخانق مع مين ؟؟
بقولك يا سيدي مفيش
مش انت هتموت ع الدنيا ولللي فيها اهي بتاعتك اهي عيش بقي
طيب اعيش ازاي ؟؟
معرفش اهو عيش والسلام ..
مش عارف
طيب هزودلك اوبشن حالا
وانت ماشي كده في الكون لوحدك اتكعبلت في اشد اعدائك
تخيل !!!
هتعمل ايه والله ما في الكون غيركم
هتاخده بالحضن صح
هتكلمه هتشتكيله وحدتك
هتتقبل منه اي حاجه
وهنكون مبسوط
ده انت هتتبسط اوى كمان بمشاحناته وهتعدي ربنا يطول في عمره
مفييييش غيره
وهتتقبل عيوبه وهتلاقي ان ساعات عيوبه مميزات تخيل
وانه كسر حدة الملل في الكون الممل ده
شوفتوا قد ايه الاعداء عاملين اتزان نفسي لينا حتي لو اشرار
هيا دي الدنيا من غير الشر كانت بقت الحياه سخيفه ممله
من غير كلاب الشارع اللي مضايقاك كانت ظهرت الافاعي والثعابين
الابيض والاسود اتزان كوني لسعادتك انت
حبوا اعدائكم
وتقبلوا الشر
