المتهمة بقتل طليقها في المعصرة: «طعنته حتى الموت من حبي ليه لما قالي هاتجوز»

أعلنت التحقيقات، عن ملابسات واقعة اتهام سيدة بـ قتل طليقها، بعد تجريده من ملابسه بمنطقة المعصرة جنوب القاهرة، بعد محاولات منها باستدراجه لإقامة علاقة جنسية، حيث أرادت الانتقام من المجني عليه بعد أن طلقها وأراد الزواج من أخرى.

ووجّهت جهات التحقيق، إلى المتهمة ص.ن، 25 سنة، تهمة قتل المجني عليه طليقها بطعنة في العنق وعدة طعنات في الصدر، وذلك بعد استدراجه إلى شقة سكنية بعد أن أقنعته المتهمة بإقامة علاقة جنسية بينهما.

وأثبتت التحقيقات، أن المتهمة اعترفت أمام الجهات المعنية بجريمتها، حيث قالت: اتجوزت وأنا عندي 18 سنة وخلفت بنت، وكان أبوها بيعذبني عشان خلفت بنت لأنه هو ما بيحبش البنات، وبعديها بحوالي سنة خلفت منه ولد فبقى يعذبني أكثر عشان هو مريض، ومكنش قادر يصرف عليهم، وطلبت الطلاق واتجوزت ابن خالي ع.ع ومدخلناش واتفقنا هنعمل فرح، بعدها نفسيتي تعبت وافتكرت أولادي واطلقنا، وبعد سنتين سافرت القاهرة فأخويا سواق ميكروباص كان معاه واحد صاحبه اسمه م.ح وحبينا بعض واتفقنا على الزواج ودي كانت جوازتي الرابعة.


وقالت المتهمة أمام جهات التحقيق: "المجني عليه كلمني وفكرني بعلاقتنا ببعض، وكان عايزني أرجعله وفي الوقت ده حسيت إني بحبه أوي، وكنا بنتقابل من فترة للثانية، وكان بيحصل ما بينا علاقة، وعملت كده بمزاجي، ولكن والدته رفضت إن احنا نرجع".



وأوضحت المتهمة: "قررت أتخلص من طليقي لما عرفت إنه هيخطب، عشان هو لا عايز يرجعني، وكل ما يشوف واحدة بيبقى عايز يتجوزها، وكان بيراضي أمه".