هنادي مهنا: ”سعيدة بشائعات انفصالي عن أحمد” عشان مانتحسدش”

نفت الفنانة هنادي مهنا ما تردد من شائعات انفصالها عن زوجها الفنان أحمد خالد صالح التي ترددت خلال الفترة الماضية.

قالت هنادي مهنا: "الموضوع مضحك وبيضحكني أوي وقلت كويس أنهم مشغولين في الكلام، وده متخيلينا أننا بينا خلافات أحسن مايحسدونا"، مضيفة "أكيد زي كل البني أدمين بس مش بتخانق وهو بيغير عليا في حدود الطبيعي".

وكشفت هنادي أنها أحيانا تقوم بفتح موبايل زوجها، لكن ليس لشيء سوى لأخذ صور بعينها أو خلاف ذلك وأن الباسورد خاصته بحوزتها، قائلة: مش عشان حاجة بفتح موبايله عشان بس لو هكلم حد أو عايزه صور وهو مش بيغيره لأنه ماعندوش حاجه يخبيها فسايبه زي ما هو.


وأضافت هنادي: "مافيش مجال للمنافسة الفنية بينى وبين أحمد وبشكل عام بين راجل وست، لكن على أية حال أتمنى أني نجح أكتر وببقى فرحانة لما ينزله حاجة وبكون متحمسه في دعمه وكأن الدور لي".

وكشفت هنادي: "عندي خطوط حمراء زي أي حد، بس مش براعي في الآخر أني بشتغل في مجتمع مصري وبتخيل شعورهم، وهما بيشوفوا أى فنان في التلفزيون المفروض هو قدوة، وفيه ناس ممكن تقلد فأتمنى دائما أكون قدوة للأسرة تجاه أبنائهم، ومش عاوزة أعمل حاجة تضايقهم أو تكون مختلفة عن مجتمعهم".

وأكدت هنادي أنها تقر بوجود قيود مجتمعية أكثر على الفنانة، قائلة: "مش هتكلم عن ده وأقول معاه ولا ضده؟ لكن في النهاية ماعنديش غير حل من أتنين أما إحترام المجتمع وأمشي كما يريد أو كما يحبون وأبقى معاهم، وأعمل عكسهم وأققلهم حبوني بالعافية والخيار الثاني أما أعمل الأشياء الأخرى في مجتمع أخر في النهاية لازم أحترم المجتمع ده الي أنا إخترت أعيش فيه".