زوجة عم فتاة المنصورة: أمة لا إله الله كانت ملمومة عليها

بكت "شيرين" زوجة عم الضحية نيرة أشرف، على الهواء خلال مداخلة هاتفية فى أحد البرامج التليفزيونية، موضحةً: "نزلت الشارع لقيت أمة لا إله إلا الله ملمومة وبيقولوا إن في طالبة جامعية قُتلت بالطعن".

وأضافت "شيرين": "مكنتش أعرف هي مين، وقلت لهم أنا ممرضة، مكنتش اعرف أدخل وسط الزحمة، ومشيت من هناك ومكنتش أعرف إنها نيرة، وعرفت بعد ما الخبر وصل المنطقة".

وتابعت: "في شاب جرى بيها وكانت ميتة على الأرض، والعالم كله يدعي لها بالرحمة وأي كلمة خارجة بناقص، ربنا رحيم غفور، ربنا بيغفر، وبعد اذنكم محدش يجيب سيرتها، اعتبروها بنتكم، كل واحد بيتكلم عليها، لكن لو سألتوا الشارع بتاعها، هتلاقوا إن والدها مش بيسيب فرض، كان بيصلي الظهر وخبر بنت جاله".