الممثلة الأردنية نور طاهر تعلن إصابتها بمرض خطير
أعلنت الممثلة الأردنية نور طاهر إحدى بطلات مسلسل مدرسة الروابي عن معاناتها مع مرض الصرع عبر حسابها بتطبيق انستجرام.
وشاركت نور طاهر جمهورها صورة لها من داخل المستشفى وعلقت عليها :"من زمان كتير کنت اصحي الاقي حالي على الأرض لأني كنت فاقده الوعي و ما كنت أتذكر أي تفاصيل، كنت اصحى عندي وجع براسي و مش قادره اتطلع على اي ضوء، و کنت مش فاهمه ليش اي ضو ابيض او قوي ممكن يسببلي صداع نصفي متبوع بنوبه غائبه او نوبه بدون اختلاج و حتی هاي ما كنت احس فيها، حتى ما اطول علیکم، بشهر ۳، کنت بحفلة و كانت الضواو قوية و صار معي نوبات صرع متتالية أرعبت كل اللي حولي. بعدها، عملت كتير فحوصات و فكرت اني صرت منيحة، لحد الأسبوع الماضي تقريبا، بدأت عندي نوبات صرع متتالية وخطيرة أكثر وتم نقلي بسيارة إسعاف إلى وحدة العناية المركزة و اضطريت أكون فيها لمدة 6 أيام، كانت التجربة مرعبة ومحبطة ، لكن تم تشخيصي أخيرا و عرفت أني مصابه بالصرع".
كما تابعت نور :" اللى ما بيعرف الصرع هو اصطراب الجهاز العصبي المركزي (عصبي) يصبح فيه نشاط الدماغ غير طبيعي ، مما يتسبب في نوبات أو فترات من السلوك الغير العادي ، والأحاسيس
اقرأ أيضاً
الغريبه وفي معظم الأحيان فقدان الوعي. من
الصعب التعايش مع الصرع ، فهو مش مجرد
نوبات مؤقتة وبنصحي منها ، هو انك تصحی
علی کدمات مؤلمة في كل جزء من جسمك وما
تتذكر كيف اصابتك ، و هو انك تضطر إنك تبصق
الدم لأنك عضيت لسانك و باطن تمك أثناء
النوبة، و انك تسمیه متعب قليل عليه!
أنا ممتنه لانه عندي أروع نظام دعم من الناس
اللي حولي ، أقرب أصدقائي وعائلتي صبروا كتير
و كانوا مصدر طمأنينة الي وحاولوا يفهموا
مرض الصرع ومساعدتي خلال الأوقات الصعبة بتعرفوا حالكم و انا بحبكم). و كمان شكر خاص للأطباء والممرضات الرائعين الذين خلوا إقامتي في وحدة العناية المركزة تجربة محتملة ، طبيب الأعصاب الدكتور محمد جابر ، والدكتور کریم ناظر ، والممرضات الرائعات یاسمین ، سجی ، بیان ، ورؤی".
وأضافت نور طاهر:" ما بقدر أكذب عليكم و أحكي إني متفائلة و مبسوطة، بس عم بحاول من كل قلبي و هاد بكفي ، لو حدا منكم تشخص بمرض الصرع، انت مش لحالك. انا بدي أشارك قصتي عشان أکون الشخص اللي انا كنت محتاجة احكي معاه، أنا عندي صرع، بس الصرع ما رح يملكني".
الجدير بالذكر أن منصة نتفليكس العالمية قد كشفت عن استعدادها لتقديم موسم ثان من المسلسل الأردني مدرسة الروابي للبنات، والذي عرض منه الموسم الأول العام الماضي.
