بالفيديو.. ميدو يفتح النار على مرتضى وأمير: الزمالك أكبر منكم
فتح أحمد حسام ميدو النار علي على مرتضى منصور رئيس نادي الزمالك، وأمير مرتضى منصور، المشرف العام على فريق الكرة.
وقال أحمد حسام ميدو في مقطع فيديو عبر صفحته الرسمية بموقع "انستجرام"، "الزمالك خسر من طلائع الجيش ولعب مباراة سيئة بسبب اعتماد المدرب على لاعبين تعبانين ومش عايزين يلعبوا مع الزمالك، ومعنديش مشكلة في الكلام ده.. ولكن ما استوقفني هي تصريحات مرتضى منصور وأمير مرتضى بعد المباراة عن استاد القاهرة.. أزاي؟ ده الملعب التاريخي للزمالك ازاي تقول عليه نحس"
وأضاف، "استاد القاهرة ده الزمالك فاز عليه بجميع بطولاته الإفريقية جاي تقول عليه نحس، إيه الهبل والعبط ده، مين اللي بيقنعكم بالكلام ده بطلوا قلة أدب بقى، مرتضي وعياله بيقولوا اى كلام الزمالك أكبر منكم"
وكان أحمد حسام ميدو، انتقد مرتضى منصور، رئيس نادي الزمالك، بعد التصريحات التي أدلى بها الأخير عقب هزيمة الزمالك أمام طلائع الجيش بنتيجة 1 - 0، في المباراة التي جمعتهما مساء أمس بـ"ستاد القاهرة"، ضمن منافسات الدوري العام
وكتب ميدو عبر صفحته الرسمية بموقع "تويتر"، "الزج باسم الزمالك في القضايا الشخصية جريمة.. لاعيبة ايه اللي سحبت عقودها بسبب حكم محكمة؟ عيب الكلام اللي بيتقال من رئيس الزمالك وستاد قاهرة ايه اللي نحس!!ده استاد الزمالك التاريخي اللي فاز بيه بكل بطولاته"
وقرر مجلس إدارة نادي الزمالك برئاسة المستشار مرتضي منصور عدم خوض مباريات الفريق في مسابقة الدوري على استاد القاهرة بسبب هزائم الزمالك، كما قرر مجلس الإدارة إيقاف مستحقات جميع اللاعبين بسبب تراجع النتائج.
