بعد شائعة وفاته.. ”الليثي“ للمتنمرين: وكفى بالله وكيلًا
تصدر نجم الأغنية الشعبية محمود الليثي محركات البحث على جوجل بعد إعلان خبر وفاة زوج شقيقته، وتداولت أنباء عن وفاته هو بالخطأ، ولكن سرعان ما كشف الحقيقة وقال إن من توفي هو زوج شقيقته.
ورد "الليثى" على الانتقادات والتنمر التي تعرض لها خلال الأيام الماضية، بعد وفاة زوج شقيقته، متهمينه بعدم مبالاته بحالة الوفاة والحزن قائلًا: "الحمد لله رب العالمين على كل حال، ولكن أنا مش بحب أعلق على الانتقادات السلبية اللى ملهاش لزمة وأى حد يتنمر عليا عندى كلمة واحدة بس هي "وكفى بالله وكيلًا".
وأضاف نجم الأغنية الشعبية: "أنا مقدرش أرد على حد بتنمر زيه أو أرد عليه باستهزاء او أرد عليه بأى حاجة غلط غير انى اسكت وأقول متشكرين الله يكرمك، وأنا شوفت تعليقات سخيفة وحذفتها عشان محدش يشوفها؛ لأنها تعليقات مش محترمة، وكلها تنمر وإساءة، وأكن الناس دى قاعدة للفنانين عشان يهينوهم بس".
واختتم حديثه: "أنا دايمًا بقول لجمهورى المحترم اللى بيحبنى عشان خاطرى اسكتوا لأن اللى بيتكلموا دول ناس فاضية وناس هي أصلًا داخلة عشان تعمل كده وبس، وأنا هعمل معاكو زي النبى عليه الصلاة والسلام ما كان بيعمل ومكانش بيرد الإساءة بإساءة".
