«مش هبيع جسمي».. فنانة شابة ترفض التنازلات ومطالب المنتجين من أجل اكتشافها

تصدرت المطربة الشابة دينا حسين، تريندات مواقع التواصل الاجتماعي، ومحركات البحث خلال الساعات القليلة الماضية، بعد أن بثت فيديو عبر صفحاتها الرسمية بموقع التواصل الاجتماعي «فيس بوك» تتحدث فيه عن المعاناة التي تواجهها في الوسط الفني والغنائي.

دينا حسين هي مطربة شابة من مواليد محافظة الإسكندرية عام 1992، قدمت من قبل أغنية واحدة في مشوارها منذ 3 سنوات بعنوان «جرح زي ألف».

بدأت دينا الفيديو الذي بثته عبر صفحاتها على "فيس بوك" قائلة «يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل يبص في حتة تانية خالص، يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه».

أضافت «أنا مقولتش إني مش بقوم من على السجادة، أنا بسهر وليا صحابي أولاد أكتر من البنات، بلبس قصير ومفتوح وكل حاجة، بس أنا مش عايزة أعمل حاجة غلط، شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وانجح، أوصل باحترامي وكياني وبصوتي ومش لازم أعمل حاجة غلط».

واختتمت حديثها قائلة «هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي، لو صوتي وحش قولولي أقعدي في بيتك وما تشتغليش، أنا تعبت ومش عارفة أعمل إيه».