بعد القبض عليه.. القصة الكاملة للتحرش بطالبة التجمع في الميكروباص.. صور

نجح رجال مباحث مديرية أمن القاهرة بعد مرور 48 ساعة من ضبط المتهم فى واقعة تحرش سائق سيارة ميكروباص بطالبة التجمع أثناء استقلالها معه من مدينة 6 أكتوبر متجه إلى التجمع الخامس وثقت خلالها لحظة تحرش السائق بها عبر هاتفها المحمول.

 

كانت الطالبة "رانيا سليمان" دونت على موقع التواصل الاجتماعي "فيس بوك" واقعة تعرضها لتحرش جنسي داخل سيارة ميكروباص، وشرحت خلالها كافة تفاصيل واقعة تعرضها للتحرش مؤكدةً أنها حررت محضرًا ضده في قسم شرطة التجمع.

 

وقالت طالبة التجمع: "أنا حرفيًا بكتب البوست ده وانا منهارة ومكنتش متخيله أن ممكن في يوم أنزل بوست زي ده مش عارفة أوصف لكم إحساس الخوف والتعب النفسي والجسدي اللي أنا فيه انا مرضتش أنزل الفيديو عشان نفسيتي أنا كفايه انه ف تلفوني وكل ما بشوفه بنهار".

 

وأوضحت طالبة التجمع: "أنا كنت راكبة التجمع من موقف الحصري مكنش فيه غير مكانين جنب السواق وأنا ركبت وبنت جنبي وفي نص الطريق حاسه بحاجه ع رجلي وأنا مش عاوزة أعمل شوشرة عشان ما أظلموش فتراجعت للخلف نفسي وهو مصمم برضو لحد ما قررت أطلع تلفوني واصوره ع الأقل اخد حقي قانوني ايده كانت مش ثابتة وكان عمال يديني في جنبي هو طبعا مش بيديني في جنبي هو عاوز يلمس أي حته وخلاص صورت اللي صورته وخوفت، الفون عند وشه ولما كله نزل قولت هنزل، لسه باخذ شنطتي لاحظ إن الكاميرا مفتوحة شد ايدي ومرضيش إن أنزل يقولي خدي تعالي معايا يا تيجي معايا يا تجيبي التليفون فضلت أقاوم ونطيت من العربية وأول ما نزلت صورته وصورت العربية".

 

وتابعت طالبة التجمع: "الحمد لله إني لحقت لأنه جرى، هعمل محضر وهاخد حقي قانوني وحسبي الله ونعم الوكيل أنا حرفيًّا صوتي بقاله يومين مش طالع ومكنتش قادرة إن أصوت للأسف أنا مش هقول غير كل بنت تاخد حقها أنا هعمل محضر وهاخد حقي إن شاء الله، لازم نحارب أن كله يخاف يأذي أي بنت متركبوش العربية دي".

 

وأكدت طالبة التجمع أنها قامت بتحرير محضر في قسم شرطة التجمع الخامس، واستغاثت "رانيا سليمان" بالأجهزة الأمنية بمديرية أمن القاهرة لسرعة ضبط المتهم الذي تحرش بها قائلة "أنا عاوزة حقي".

 

ورصدت الأجهزة الأمنية بمديرية أمن القاهرة تداول فيديو على مواقع التواصل الإجتماعي "فيس بوك" يرصد لحظة قيام سائق سيارة ميكروباص بالتحرش بطالبة التجمع أثناء استقلالها معه من مدينة 6 أكتوبر متجهة إلى منطقة التجمع الخامس.

 

وبالفحص تبين قيام (رانيا سليمان، طالبة - مقيمة بدائرة قسم شرطة ثان أكتوبر بالجيزة) بتحرير محضر بقسم شرطة التجمع الخامس بالقاهرة لتضررها من قائد سيارة "ميكروباص"، لقيامه بالتحرش بها أثناء استقلالها السيارة معه بالكرسي المجاور له.

 

وبالفحص والتحري تمكن رجال مديرية أمن القاهرة من تحديد هوية المتهم وتبين إنه مقيم بدائرة مركز شرطة الصف بالجيزة.

 

وعقب تقنين الإجراءات تمكن رجال مباحث مديرية أمن القاهرة من ضبط المتهم أثناء قيادة سيارة الميكروباص، وبمواجهته اعترف بارتكاب الواقعة، وتحرر محضر بالواقعة وتولت النيابة العامة التحقيق.