تمهيدًا لـ ”جينيس“.. السباح العالمي سيد الباروكي يعبر قناة السويس احتفالاً بذكرى نصر أكتوبر

تنظم هيئة قناة السويس فعالية جديدة، بالتعاون مع وزارة الشباب والرياضة، والاتحاد المصرى للغوص والإنقاذ، تزامنًا مع احتفالات نصر أكتوبر العظيم، إذ من المقرر أن يعبر السباح العالمي سيد الباروكي، قناة السويس بعد غد الثلاثاء، ضمن احتفالات مصر بالسادس من أكتوبر.

ويخطط "الباروكي" للسباحة في قناة السويس الجديدة، تمهيدًا لتسجيل المحاولة ضمن موسوعة جينيس للأرقام القياسية كأول سباح يعبر القناة الجديدة بزعانف المونو، وأول سباح يعبر بين قارتي آسيا وأفريقيا.

سيد الباروكي أول سباح عربي أفريقي محترف في سباحة الزعانف، عشق السباحة منذ صغره بفضل والده ضابط البحرية.



وقال "الباروكى" عبر صفحته الخاصة على موقع التواصل الاجتماعى "فيس بوك": "اللحظة اللى بستناها من زمان، الحلم اللى عشته فى تدريب وتركيز، دلوقتى خلاص هنبدأ أول خطوة فى تنفيذه، بدعمكم وبحبكم هنغير مع بعض التاريخ، هنجيب العالم كله لمصر، وزى ما أبطالنا عملوها زمان وخلوا العالم كله يحلف بالجندى والمقاتل المصرى بعد معجزة عبور القناة فى حرب أكتوبر 73، هنخلى العالم كله يرجع يبص تانى ويعترف تانى بقوة الإرادة والتحدى اللى عند المصريين".

وأضاف: "زى ما كانت أنظار العالم كله على قناة السويس فى حرب العبور سنة 73، إن شاء الله هتكون كل عيون العالم على قناة السويس فى 6 أكتوبر اللى جاي، وإحنا بنحقق انجاز جديد وتحدى جديد بعبور قناة السويس الجديدة، سباحة بزعانف المانو، عشان يكون التحدى أكبر ويكون الإنجاز ده بيحصل لأول مرة وأقدر أحقق لبلدى اللى حلمت بيها من زمان، انى دائما أرفع علمها فى كل مكان، ليه يكون تاريخ السباحة قائم على تحدى عبور المانش فى إنجلترا، ليه ما نخلقش مانش جديد ونحط مصر على خريطة السباحة فى العالم، يوم 6 أكتوبر اللى جاى تحدى جديد هدخله بروح انتصار اكتوبر وبدعمكم كلكم، يوم عبور قناة السويس".

واستطاع السباح العالمى ابن الإسماعيلية سيد الباروكى، من قبل أن يكون أول عربى وأفريقى يدخل موسوعة جينيس لأعلى قفزة من الماء "قفزة الدولفين"، بعد تحقيق رقمين فى موسوعة الأرقام القياسية، بالخروج من أسفل الماء بارتفاع 2 متر و5 سنتيمترات، فى إيطاليا والصين، وذلك خلال رحلة احترافه فى إيطاليا، والآن يستعد لعبور المانش بطول 32 كيلو لسباحة الزعانف خلال الفترة القادمة.