منى نشأت تكتب: زوجه.. تحب

[قالها وسمعتها زوجته نفسى فى حاجه مسكره.

[الزوج الجالس وسط اولاده يؤنسهم بحلو الكلام..اشتهى طعم الحلو.

ولانه رجل طيب.يعمل طوال نهاره داخل مصنع ملابس كعامل بسيط.ويضع راتبه فى يد الزوجه.حاولت هى تنفيذ رغبته.

ولم لا وهو يحافظ عليها ومكانها منه داخل العيون.لم ينظر يوما لغيرها ولا اختبأ بالموبايل يهمس بعيدا عنها.ولا جرح كرامتها بمغامره مع عامله زميله.ولا حرق ساعاتها فى متابعته للمحافظه على بيتها.

وسيرته العطره على كل لسان.اما لسانه هو فيمطرها باجمل كلام لم يسبها او يلعن اهلها ..

[انها الشغاله التى تأتينى منذ سنوات طويله .وفى كل مره تتحدث عن زوجها اتمسك بوجودها فى بيتى ترتب وترمم.

تمسح الارضيات وتحكى الحكايات..تنظف غسيلنا وتجمعه وتطويه ومع كل طيه تنبعث راٸحة معطر صناعى اضفته.

و عطر أجمل لرواياتها..زوجى لايضع لقمه فى فمه الا ونحن بجانبه.

يطلبنى من شغله ليسأل عنى .ولو خلص رصيده يخرج يكلمنى من اى محل.

وقبل ان يرجع للبيت يمر على وينتظرنى لاعود معه.

[فلوسها]

[عمره ما سألنى اخدتى كام النهارده.ولا مد ايده لشقايا..من نفسى باجيب لاولادى .جارتى تفرجنى على حلق ذهب وانا جوزى هو ذهبى

امبارح قال نفسى فى حاجه مسكره .

جريت اعمل صينية كيك.محتاجه سكر ودقيق وكتير....قعدنا مع بعض نجمع اللى فى البيت طلع تلاتين جنيه وابنى معاه خمسه.الطلبات اغلى....خبطت على باب جارتىسألتها عن ابنها وعرفت انه ركن التوكتوك بعد ماعطل منه.. ودخل نام .

طلبت منها تسلفنا التوكتوك ساعه واحده وقلت لابنى يسترزق ودعيت له بالرزق.ولجوزى بالحلو.

[ساعه بالتمام والكمال الولد عرف الجاره انه صلح السلك .وسلمنى باقى الفلوس ٧٠ جنيه.

قبل ما يوصل ابننا كانت ام عزيز عملت لنا صينية كيك كبيره وبراد شاى.وابو العيال قال نستنى محمود وناكل سوا. كلنا فرحنا.

[ فرحه]

[ فرحة الاسره الجميله فرحتنى .. العشره الطيبه نادره لكن موجوده..والخير فى امتى الى يوم الدين......

[حكاوى الحب..تتحب .ونحن نحب من..يحب.

[ ومن الشغاله وزوجها والغرفه الواحده الضيقه والرضا الذى يوسع كل ضيق..الى التوكتوك

[ لم يكن هناك من يفوقنى رفضا لهذا الشيئ وكنت أراه حشرات سوداء زاحفه..والساٸق مجرد مجرم.

[ بعد ان عرفت محمود وعزيز..واكيد يوجد غيرهم مثلهم..اتصور ان نسبه مقبوله من ساٸقى التوكتوك اولاد غلابه طيبين.بالطبع بعضهم لهم صفة البلطجه وهى غير فطريه بل وليدة عوامل عده..عشواٸيات تفرز..فقر يحطم.. تعليم لا يعلم..وكلها خارج مسٸوليتهم.

[ مطلوب ]

[ علينا معالجة واحده بجانب الاخرى.لماذا لايتم جمعهم كلهم فى دورات تعلمهم اصول القياده والمرور وتهذب اخلاقهم قدر المستطاع..ونضيف محو الاميه.

[ انهم يحملون صفات بشعه ويطلقون افظع الالفاظ والتعديات.لكن جرب ان يحتك واحد منهم بمالك سياره يلتف حوله ماٸه منهم فى لحظه هى ايضا بلطجه اتفقوا عليها لكنهم عرفوا الاتفاق والالتفاف ولديهم الاستعداد للمشاركه ..قدر من الانسانيه.

لنستغلها وننميها فى الخير. بالمناسبه الجونه مثلا مليٸه بالتكتوك..بساٸق مهذب وخدمه محترمه وتسعيره مقننه.

[مطلوب تقنين العدد فى كل مدينه تدريب الساٸق .ترخيص التوكتوك.فهو مصدر رزق ان لم يتم السيطره عليه تحول الى خطر الجريمه والارهاب.

ويكفى من امتصهم من حرف كادت ان تندثر.فلنبقى على مابقى منها بالاكتفاء.

[ اسوأ مافى القصه انهم يحققون دخلا كبيرا..سيحجز مقعدا فى السنيما ويكون صديق ابنك فى النادى..وزميله فى المدرسه وجارك فى السكن ..ومهما زرعت من قيم داخل اولادك سيدمرهم زميل..وسيصحبه لسماع اغانى هابطه وبرامج تافهه..لن ياخذ احد برأيك فهم اغلبيه...وسينهار المجتمع..

[ ليتهم يرشدون..يقننون..يقوموا.