سونيا الحبال تكتب: عايزاك تتغير عشان اكون مبسوطه
مشكله كل شركاء الحياه ..منتظرين الطرف الاخر انه يتغير ويبقي حاجه كده تفصيل زي ما هو حابب عشان يعرف يعيش مبسوط وسعيد ..
طيب والطرف التاني .لا لا مش مهم المهم انه يتغير واقدر اتبسط واعيش معاه ..
طيب يعني انتواللي حطيتيوا مقاييس التغير في الشريك اللي هتبسطكم ؟
وانتم اللي بنيتوا سعادتكم علي تغير الطرف الاخر بس ..بس كده طباعه تتغير كل مشاكلنا هتتحل ..
تعالوا اقولكم علي اكبر وهم الناس عايشين فيه ..
محدش هيغير طباعه عشان حضرتك تبقي مبسوط ..كل واحد راضي عن طباعه وعايش معاها من زمان وعاجباه سواء حلوه او وحشه ..
محدش هيغير طباع حد ..الطباع بتتغير لو حدها من شخص تعب منها هو شخصيا فحب يغير حاجات فيها لكن مش عشان حضرتك تعيش سعيد بطباعه الجديده اللي ترضيك ..
لو كلنا اتجمعنا ورمينا كلنا طباعنا ع الارض ..وطلبوا مننا نختار ..هنختار نفس طباعنا ونحطها في دماغها تاني..عشره يا جماعه بقت حاجه ملاصقه لينا منعرفش نعيش من غيرها ..طيب والحل ..
قدامكم حلين ..الاول انك تعيش وتتعامل مع الطباع اللي مش عاجباك باقل خساير نفسيه ليك لان الطرف التاني مش حاسس باي مشكله علي فكره ..
التاني ..انك دائما تدرس طباع اي حد هتتعامل معاه معامله طويله شويتين ..وتحط قدامك كل الطباع اللي مش عاجباك وعلي اساسها يا تتعامل يا تبتعد .
لخصتهالكم بكل بساطه ووضوح .
#عيشوها__صح
