مبروك عطية: الإنفاق على الوالدين ليست واجبه والتكشيرة ”عقوق“

قال الدكتور مبروك عطية، الداعية الإسلامي، إن هناك أوجه كثيرة لعقوق الوالدين، فإذا رفع الإبن صوته فوق مستوى صوتهم أثناء الحوار يُعد عقوق، «لو وهو بيكلمهم بص الناحية الثانية اللي هما مش قاعدين فيها ده اسمه عقوق، لو بيكلمهم من غير ما ينظر إليهم ده عقوق، لو وشه مش مبتسم ده عقوق، لو وشه مكشر ده عقوق».

وأضاف "عطية"، خلال تصريحات تليفزيونية، أن الإبن لو لم ينفذ أي طلب من طلباتهم، إلا الشرك بالله، ده عقوق، موضحًا أن الإسلام دين الحقوق، «فيه حق الزوج والزوجة والأخ والجار، بس مفيش حق الوالدين، فيه بر بس».

وأوضح الداعية الإسلامي، أن هناك فرق شاسع بين البر والحق، فالحق يمكن أدائه وينتهي الأمر، بينما البر يدل على الاستمراريه، «مفيش حد ذكرا كان أو انثى أن يقدم البر الكامل لوالديه، وكذلك لا يستطيع أي مخلوق أن يوفي بحق الله، وأنا بستغرب من الناس اللي تقول الحمد لله حتى يبلغ الحمد منتهاه، عاوز أقولهم إن ده غلط».

وأشار إلى أن الإنفاق على الوالدين ليست واجبه، إلا إذا افتقرا، وهنا تصبح النفقة للوالدين واجبه، «لازم البر في المعاملة ونقف انتباه قدامهم، سواء مسلمين أو مش مسلمين، لو حتى اسلوبهم طين أو أسلوبهم لوز، لازم البر».