أول تعليق من أحمد فلوكس بعد تأييد حكم حبسه

قضت محكمة جنح مستأنف الجيزة، اليوم السبت، برفض معارضة الفنان أحمد فلوكس على الحكم الصادر ضده بالحبس أسبوع وغرامة 200 جنيه لاتهامه بإزعاج رجل أعمال وسبه وقذفه وتأييد الحبس والغرامة.

وقال "فلوكس" خلال تصريحات تليفزيونية: "مش عارف ده ليه بيحصل معايا، لكن لا تعقيب على أحكام القضاء"، موضحًا أن لديه قضيتين مرتبطتين ببعض، واحدة تم حفظها، والأخرى صدر الحكم فيها اليوم.

وعن تأييد حبسه عامًا قال: "لسه مش تأييد حبس، هناك درجات تقاضٍ أخرى، أنا مش محبوس أنا في بيتي هي حملة موجودة عليا ولا شك كلها حبس".

وعن أزمته مع ياسمين عزت قال: "مفيش بيني وبينها قصة مش فاضي ليها ولا غيرها، أنا راجل معول رجعت لزوجتي وابني، عندي مسؤوليات، راجل مش فاضي، مش بحب المحاكم، أنا ابن ناس أهلي مربيني وأبويا وأمي تعبوا عليا".

وأكد: "علاقتي بكل الناس طيبة جدًا مش بسعى لشهرة مش محتاجها ولا عاوزها، هي مش مذيعة، وهي قضية شخصية مش هتكلم فيها دلوقتي، اللي عاوز يعمل شر بيعمله، ربنا كبير مش راضي لظلم حد، مش أنا اللي بجري للشر والقواضي، أنا أبويا وبيتي وأمي علموني كده، واللي بيعمل حاجة بيدفع تمنها".