سونيا الحبال تكتب.. «حكاية سايس الباركينج»

كنت في مشوار لوزارة الخارجية، طبعًا اللي راح هناك عارف ازاي الزحم في الركنة علي كورنيش النيل، المهم كعادة اللي بيحسدوني دائمًا بلاقي مكان أركن فيه بسهولة، يا سلام معقولة لاقيت المكان كده بسهولة، المهم ركنت عربيتي وطلعت ميعادي.

ونزلت ركبت عربيتي، وجايه اطلع، ألاقي اتنين ما شاء الله طول بعرض وعلامات الخناقات باينه في وشوشهم. تمن الركنه يا هانم فتحت شنطتي بسرعه، لاقيت فئات ٢٠٠جقولتله طيب مش معايا فكه؟واذ بس اتفاجيء بسيل كلمات لااذعة، هاتي يا هانم أفك أنا وارجعلك الباقي، يا هانم انا حافظت علي عربيتك من السرقه، يا هانم أنا واقف في الشمس احمى العربيات، يا هانم أنا مفطرتش لغايه دلوقتي، وطبعًا كنت هحس بالخزي لو خدوا الـ ٢٠٠ج ومرجعوش، انا يتضحك عليا. نزلت وقفلت عربيتي، ومشيت أدور علي حد أفك منه فلوسي لغاية ما لاقيت محل بقالة صغير كده، قولتله من فضلك ٢ ازازه ميه،٢ حاجه ساقعة،٢ قالب كيك وهات الباقى. ورجعت تاني عربيتي ولاقيتهم ونظراتهم الحاده الهجومية تنتظرني،ركبت عربيتي وفتحت زجاج الباب، قولتله اتفضلوا، ازازتين ميه عشان وقوفك في الحر تحمى عربيتي، اتنين حاجه ساقعة عشان حافظت علي عربيتي من السرقة، واتنين كيك عشان مفطرتوش بسببي، ودي فلوس تمن الباركينج،وفجاه وبدون مقدمات، الاقي الحواجب نزلت، والعنين غرغرت، والارتباك علي وشوشهم، والكيس اللي فيه الحاجة والفلوس كلها تتحط علي الكرسي اللى جنبي، والسايس يقًولي اسف يا هانم حقك علينا، والله العظيم ما نقصد ده أكل عيشنا، ياما ناس سابتنا ومشيت، ياما ناس شتمونا وطلبوا لينا النجدة، ياما اتعاملوا معانا كأننا زي الحيوانات. مدام حضرتك تيجى هنا كل يوم والمكان بتاعك، واتفاجىء بيهم بيحاولوا يشيلوا العربية ويطلعوها من مكانها عشان متعبش حتى فى تحريك العربية من مكانها. الناس الغلبانه بتعاملنا وحش من معاملتنا الوحشه ليها .الناس دي مش بلطجية ولا غاويين مشاكل.الناس دي كتير ناس مش بتتعاطف معاها، لمجرد انها بتعمل عمل مش بيرضينا.الناس دي مش لاقيه شغل ودائمًا مشكلتي مع صحابي انهم يقولوا دول بلطجية وانا اقول دول بيشتغلوا مش بيسرقوا.الناس دي علامات وشها من ناس قاسية قلوبهم ميعرفوش الرحمة.الناس دي ناس بتستخسر فيهم الفلوس اللي بيكسبوها، رغم ان عندهم أسرة زيك زيهم بالظبط وكلهم مستنين فلوس عشان يعيشوا.جرب تعاملهم حلو، جرب تضحك في وشهم جرب تديهم بزيادة، وشوف وش الشر اللي انت شايفة هيبقي شكله ايه.الود بالود والحسني بالحسني والخير بالخير والحب بالحب. وأيضًا..https://www.facebook.com/anahwa2019