نيفين القباج وزيرة التضامن الاجتماعي تعين نهلة النمر سفيرة وزارة التضامن الاجتماعي للمراقبة المجتمعية على دور الرعاية
نهلة نموذج الفتاة الطموحة صاحبة الإرادة الحديدية؛ فنهلة من أبناء دور الرعاية التابعة لوزارة التضامن الاجتماعي والنهاردة تم اختيارها بأنها أول سفيرة لوزارة التضامن الاجتماعي لتفعيل المراقبة المجتمعية على مؤسسات الرعاية الاجتماعية.
قصة نهلة في توعية الناس بدور الأيتام لتحسين صورتهم في المجتمع بدأت بعد تخرجها من جمعية وطنية لتنمية وتطوير دور الأيتام، طريق كانت معتقدة في أوله إن مفيش حد هيحب يسمعها عشان يتيمة لكنها اتفاجئت بردود فعل الناس اللى بتتكلم معاهم وقدرت إنها تحسن صورة الأيتام بعد ما عرفتهم إيه المشاكل اللي الأيتام بيمروا بيها.
نهلة قدرت تعمل توعية بالنماذج الناجحة من الأيتام وبتقدر ترسم طريقها وتحقق أهدافها
وحلمها انها تكون صوت الأيتام في مجلس النواب.
الرسالة اللي نهلة تحب توجهها لكل الفتيات: "المثابرة وراء تحقيق الحلم والهدف"..
