بوسي: ندمانة على العمل في شارع الهرم وكنت بتضرب عشان اشتغل
أكدت المطربة بوسي، على ندمها على العمل في شارع الهرم خلال فترة مبكرة في بداية حياتها الفنية، قائلة: "مقلتش شغلي في شارع الهرم تنازل لكن ندمانه على الشغل في شارع الهرم لكن هو علمني اتعامل مع الناس وخلاني عندي خبرة في التعامل".
وأقرت بوسي، خلال تصريحات تليفزيونية، أنها لم تكن تحب العمل في شارع الهرم لأنها لا تشبهها، مضيفة: "بصراحة مكنتش حبه اشتغل في الاماكن دي والأماكن دي مش شبهي وشفت فيها حاجات كتير ولكن كنت عيلة صغيرة وبأكل عيش".
واستكملت: "كنت مش عايزة استمر وكنت مجبورة على الشغل وكنت شغالة بالإكراه واضربت عشان انزل الشغل وتعرضت للإهانة، وبحمد ربنا أن ربنا لسه مخلي فيا عقل من اللي شوفته".
وكانت بوسي قد كشفت أمس عن أن آخر عمل فني عرض عليها ولم توفق عليه كان عمل مع النجم ياسر جلال في رمضان ولكن ليس في رمضان الماضي، قائلة: "كان معروض عليا مسلسل مع ياسر جلال رمضان وكان نفسي اشتغل معاها وهو محترم والدور مكنش كبير".
وأضافت بوسي، أن أحد اسباب اعتذارها أيضا كانت الأمور المادية وفي النهاية لم نتوافق ولكن تتمنى العمل مع ياسر جلال والعمل مع أي ممثل يضيف لتاريخها الفني.
وتابعت: "تركيزي حاليا في الغناء والتمثيل ركناه على جنب بسبب تقصيري في الغناء والتمثيل والغناء بيجيبوا فلوس بس الغناء أكثر عشان أفراح حفلات مناسبات إنما المسلسلات احيانا عمل في السنة والتمثيل بيخليني ألغي حفلات ومناسبات".
