طليق زوجة حسن شاكوش يفجر مفاجأة مدوية بشأن ريم طارق
فجّر «أحمد»، طليق ريم طارق، زوجة مغني المهرجانات حسن شاكوش، مفاجأة جديدة بعد أزمة طرد «شاكوش» لزوجته وتطور الأمر لبلاغات ومحاضر شرطة، موضحًا: «الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق».
وقال طليق ريم طارق، خلال تصريحات تليفزيونية، مساء الأحد: «أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج».
وتابع: «سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها. لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا».
وعن صحة تعديه عليها بالضرب أثناء زواجه لها، ردّ: «أنا مكنتش بضربها ومضربتهاش علقة موت، وعمري ما مديت إيدي عليها، وكل مشكلة كنت أشتكي لوالدها».
وعن سبب الطلاق الذي وقع بينهما، قال: «كان فيه ظروف معينة للطلاق ولما حصلت مشاكل بيني وبينها، أهلها جابوا المأذون وقعدنا، ومعرفش أنا مرفوع عليا قضايا ليه بعد الطلاق؟، ومش طالب غير إني عايز أعيش في استقرار».
وختم: «مرفوع عليا قضايا منقولات وإيصالات أمانة، وكل اللي عايزه منها تتنازل عن القضايا اللي رفعاها عليا وربنا يسعدها في حياتها، واتفرض عليا الطلاق ومكنتش عايز أطلقها، وطلقتها وخدت حقوقها الكاملة».
