رانيا يوسف: اتجوزت 3 مرات بـ 3 غلطات وعندي استعداد اتجوز في نص ساعة

قالت الفنانة رانيا يوسف: "جالي 4 عروض زواج بس رفضت لأن أنا بالنسبة ليه الزواج سهل وعندي استعداد اتجوز في نص ساعة معنديش مشكلة بس المشكلة في مين اللى هتجوزه".

وتابعت "يوسف" خلال تصريحات تليفزيوينة: "لسه ملقتش الزوج اللى يملى دماغي وابقى متأكدة أنه معندوش أي مصالح تانية غير أنه حقيقي بيحب رانيا"، موضحة: "اتجوزت 3 مرات بـ3 غلطات ومش عايزين نكرر الغلطة الرابعة، عايزة ابقى متأكدة ان اللى هتجوزه حقيقي يحبني ويحترمني ويحترم حياتي وظروفي".

وأشارت: "لحد دلوقتي معنديش قابلية للزواج خالص، ومحدش يقدر عقدني انا اعقد بلد، والفكرة مش في الجواز الفكرة في الشخص اللى هتجوزه، ويا هنسعد بعض يا هنقرف بعض وانا مش عايزه حد يقرفني".

وتابعت: "أنا حققت كل أحلامي بنفسي وعايزة حد متفاهم يفهم حياتي ويحترم شغلي وخصوصياتي ويحترم اصحابي ووقتي"، مشيرة: "مفيش واحد اتجوزته كان له فضل عليا بالعكس خالص، وابو بناتي محمد مختار مكنش له فضل عليا غير انه ابو بناتي طبعا وده اكبر انجاز ولكنه مساعدنيش بمكالمة تليفون، وانا الممثلة الوحيدة اللي اتجوزت منتج انتج لطليقته بعد ما اتجوزوا مأنتجليش انا".